Amazon асосчиси Жефф Безос қаришни олдини олувчи Altos Labs стартапига 3 миллиард доллар сармоя киритади. Бу ҳақда The Sunday Time нашри хабар берди.

Стартап ҳужайралар саломатлигининг касалликларга, жароҳатларга ва ҳатто ногиронликка чидамлилигини тиклаш учун биологик технология ишлаб чиқади.

Илмий-тадқиқот институтлари илмий-тадқиқот ишлари билан шуғулланади, Тиббиёт институти эса дори воситаларини ишлаб чиқади. Объектлар Сан-Франциско, Сан-Диего, шунингдек, Британия Кембрижида жойлашади. Компания Япония билан ҳам ҳамкорлик қилишни режалаштирмоқда.

Altos Labs директорлар кенгаши таркибига кимё бўйича Нобел мукофоти совриндорлари Женнифер Дудна (2020, генетик муҳандислик) ва Франсес Арнольд (2018, фермент иловалари) киради.

Рик Клаузнер ва Ханс Бишоп кенгашнинг ҳамраислари бўлди. Британиянинг GSK фармацевтика компаниясининг тадқиқот ва ишланмалар бўйича президенти, бош олим Хэл Бэррон ҳам шулар қаторида. У 1 августдан стартапга ўтади.

Аввалроқ Безос 2030 йилгача иқлим ташкилотлари учун 10 миллиард доллар тарқатишни режалаштираётгани ҳақида хабар берилганди.