Биткоин курси тушиши сўнги олти ойдаги минимумни янгилади
Криптовалюта 2021 йил 10 ноябрдаги тарихий қийматининг деярли ярмига арзонлашди.
Биткоин курси 9 фоизга тушиб, ярим йилликдаги минимумни янгилади. Бу ҳақда «Inc.» хабар берди.
Маълум қилинишича, 22 январь куни эрталаб биткоин нархи 2021 йил 24 июлдан бери минимум қийматни янгиланиб, 35,1 минг долларни ташкил этган. Шунингдек, ўтган кеча-кундузда биринчи рақамли криптовалюта нархи 9 фоизга арзонлашган.
Биткоин нархи 20 январь куни кечқурун унинг курси 43,5 минг доллардан ошиб кетгач кескин пасайишни бошлаган. 2021 йил 10 ноябрда белгиланган тарихий максимал — 69 минг доллардан криптовалюта 48 фоизга — деярли ярмига арзонлашган.
Криптовалюта бозоридаги пасайиш S&P 500 индексининг қисқариши билан боғлиқ бўлиши мумкин, бу индекс 20 январдаги савдо сессияси натижаларига кўра 1 фоизга, 21 январда эса яна 2 фоизга пасайишда давом этган. Бундан олдин, 19 январь куни Arcane Research таҳлилий компанияси биткоин алмашинув курси ва S&P 500 индекси ўртасидаги корреляция 2020 йил октябрь ойидан бери рекорд даражага етганини хабар қилган эди.
Қайд этилишича, 21 январь давомида капиталлашув бўйича энг йирик альткоинлар ҳам кескин пасайиб кетган. Ethereum ва Binance Coin’нинг нархи ҳар бири 14 фоизга пасайиб, мос равишда 2,4 минг доллар ва 353 долларни ташкил этган. Ўнта энг қиммат криптовалюталар орасида Luna энг кўп зарар кўрган — унинг нархи 27 фоизга тушиб, 57 долларни ташкил этган.
Шунингдек, 20 январь куни Россия банки мамлакатда криптовалюталар эмиссияси, уларни муомалага чиқариш ва айирбошлашни тақиқлаш таклиф қилинган ҳисоботини эълон қилганди. Банк шунингдек, рақамли активлар майнингини тақиқлаш ва хорижий савдо майдончаларида криптовалютадаги рус сармояларини кузатишни бошлаш зарур деб ҳисоблашини маълум қилган.
Аввалроқ Биткоин нархи 100 минг долларгача кўтарилиши прогноз қилингани хабар қилинганди. Шунингдек, Дуров Россияда криптовалюта тақиқланишига муносабат билдиргани ҳақида хабар берилди.