Дунёнинг энг бой криптомиллиардерлари икки ой ичида деярли 50 млрд доллар йўқотди
Дунёнинг энг бой криптобизнесмени, Binance биржаси асосчиси Чангпэнг Чжао 11 мартдан 11 майгача 37,6 миллиард доллар йўқотди.
Forbes журнали ҳисоб-китобларига кўра, 11 нафар энг бой криптомиллиардернинг умумий бойлиги крипто бозор қулаган икки ой ичида 49,06 миллиард долларга камайди.
Дунёнинг энг бой криптобизнесмени, Binance биржаси асосчиси Чангпэнг Чжао 11 мартдан 11 майгача 37,6 миллиард доллар йўқотди, унинг бойлиги 65 миллиард доллардан 27,4 миллиард долларга камайди. FTX крипто биржаси асосчиси Сэм Бэнкман-Фриднинг бойлиги икки ой ичида 3 миллиард долларга камайди ва ҳозирда 21 миллиард долларга баҳоланмоқда.
Яна иккита криптомиллиардер икки ой ичида 1 миллиард доллардан кўпроқ пул йўқотди.
Coinbase асосчиси ва бош директори Брайан Армстронг шу вақт ичида 4,4 миллиард доллар йўқотди (ҳозир унинг бойлиги 2,2 миллиард долларга баҳоланмоқда).
Coinbase’нинг яна бир асосчиси Фред Эрсам (у компанияни 2017 йилда тарк этган, лекин ҳали ҳам унинг 6 фоиз акцияларига эгалик қилади) 1,3 миллиард доллар йўқотди, ҳозирги бойлиги 0,85 миллиард долларга баҳоланмоқда. Охирги ойда Coinbase акциялари 66% дан ошди.
Шунингдек, Ripple блокчейн компанияси асосчиси ва бош директори Крис Ларсен 0,7 миллиард доллар йўқотди.
Аввалроқ дунёнинг энг бой криптомиллиардерлари рейтинги эълон қилинганди.
