Америкалик тадбиркор Илон Маск ўз ишини ташлаб, нуфузли блогерга айланиш имкониятини кўриб чиқмоқда. Бу ҳақда у ўзининг Twitter саҳифасида маълум қилди.

Миллиардер фойдаланувчилардан бу ҳақда қандай фикрда эканликларини сўради.

«Мен ишимни ташлаб, доимий равишда нуфузли блогер бўлишни ўйлаяпман», — деб ёзди.

Твит остида миллионлаб аудиторияга эга бўлган бир қанча блогерлар аллақачон Маскка унинг саҳифаларини тарғиб қилишда ёрдам беришни таклиф қилди. Бундан ташқари, баъзилар ундан видеоўйинлар трансляцияларида иштирок этиш ҳақид сўради.

Маълумот учун, Маск Американинг Tesla ва SpaceX компанияларига раҳбарлик қилади. Tesla’га 2003 йилда Илон Маск томонидан асос солинган. Аввалига компания фақат электромобиллар ишлаб чиқаришга ихтисослашган бўлса, кейинчалик у қуёш панеллари ва бошқа энергия сақлаш тизимларини яратиш билан ҳам шуғуллана бошлади.

Бундан ташқари, Маск космик технологияларни ишлаб чиқарувчи ва орбитал парвозларни амалга оширувчи SpaceX компанияси асосчиси ҳисобланади.