Тошкент шаҳри ва республика ҳудудларида кузатилаётган электр энергиясидаги узилишлар мобил алоқа хизматларини кўрсатишни ёмонлашишига олиб келиши мумкин. 

«Mobiuz техник жамоаси таянч станциялар ва бошқа жиҳозларнинг ишлаш имкониятларини узайтириш учун барча зарур чора-тадбирларни амалга оширмоқда, шу жумладан муқобил энергия манбаларидан фойдаланмоқда», дейилади хабарда.

Шунингдек, Beeline ҳам мурожаат билан чиқди.

«Бир қатор жойларда алоқада узилишлар бўлиши мумкин. Ушбу вазиятни тушунишингизга умид қиламиз ва вақтинчалик юзага келган ноқулайликлар учун узр сўраймиз», дейилади хабарда.

Kommers.uz Uztelecom компанияси билан боғланди.

«Биздаги станцияларда захира аккумуляторлари билан жиҳозланган.Уларнинг қуввати бир неча соат чидаб беради», дейди матбуот хизмати ходими.