Ўзбекистонда қуёш коллекторининг иссиқлик қабул қилувчи ясси панели патентланди
модель муаллифи ФА «Физика-Қуёш» илмий ишлаб чиқариш бирлашмасининг Физика-техника институти ҳисобланади
Ўзбекистонда қуёш коллекторининг иссиқлик қабул қилувчи ясси панелига патент берилди. Бу ҳақда Интеллектуал мулк агентлиги матбуот хизмати хабар берди.
Маълум қилинишича, фойдали модель қуёш технологияси соҳасига, хусусан, қуёш энергияси ёрдамида сувни иситиш, турар-жой, фуқаролик ва саноат бинолари ва коммунал объектларни иссиқлик билан таъминлашда қўлланилади.
Моделнинг аналоглардан афзаллиги иссиқликни тўплаш самарадорлигини ошириш ва иссиқлик қабул қилувчи панелларни демонтаж қилиш ва йиғишда қулайликни таъминлашдан иборат.
Хабарга кўра, модель муаллифи Ўзбекистон Фанлар академияси «Физика-Қуёш» илмий ишлаб чиқариш бирлашмасининг Физика-техника институтига ФАП 01691 рақамли патент берилди.
Аввалроқ Ўзбекистонда илк бор фуқаро давлатга электр токи сотишни бошлагани ҳақида хабар берилганди. Шунингдек, Президент 2026 йилгача қуёш ва шамол электр станциялари қувватини 8 минг мегаваттга етказишни белгилаб бергани хабар қилинди.