Ўзбекистонда янги микрокредит ташкилоти фаолиятига рухсат берилди
Марказий банк бошқарувининг тегишли қарори чиқарилди.
Ўзбекистонда янги микрокредит ташкилоти фаолиятига рухсат берилди. Бу ҳақда Марказий банк матбуот хизмати хабар берди.
Маълум қилинишича, Марказий банк бошқарувининг қарорига билан Barqaror Sarmoya Group mikrokredit tashkiloti масъулияти чекланган жамиятига микрокредит ташкилоти фаолиятини амалга ошириш учун лицензия берилган.
Аввалроқ Тадбиркорларга валюта айирбошлаш хизматларини кўрсатишга рухсат берилиши мумкинлиги хабар қилинганди. Унга кўра, хорижий давлатлар тажрибасидан келиб чиқиб, норасмий валюта операциялари вужудга келишининг олдини олиш, шунингдек, хизматларни узлуксиз равишда (24/7 режимда) кўрсатиш имконини яратиш мақсадида хусусий тадбиркорларга валюта айирбошлаш хизматларини кўрсатишга рухсат бериш режалаштирилмоқда.
