Тошкент шаҳри бўйлаб электр энергиясида узилиш кузатилди. Чилонзор, Олмазор, Бектемир, Миробод, Шайхонтохур, Юнусобод, Яшнобод туманларида умуман электр йўқ.

Узилишлар туфайли Тошкент метрополитенида ҳам чироқ ўчган.

«Тошкент шаҳрининг барча ҳудудларида электр энергияси ўчганлиги сабабли Тошкент метрополитенининг барча йўналишларида вақтинчалик метро ҳаракати тўхтади. Носозлик бартаф этилганидан сўнг Тошкент метрополитен йўловчиларга доимий жадвал асосида хизмат кўрсатишни давом эттиради», — дейилади хабарда.

Манбаларга кўра, Ўзбекистоннинг бир қанча ҳудудлари, хусусан Тошкент вилоятида ҳам узилиш кузатилмоқда.