Туркияда инфляция бир йил ичида 36 фоиздан ошди
Декабрь ойида ҳукумат лирани қўллаб-қувватлаш бўйича янги чораларни эълон қилган.
Туркияда инфляция даражаси бир йил ичида 36 фоиздан ошди. Бу ҳақда «Коммерсантъ» хабар берди.
Маълум қилинишича, Туркияда декабрь ойида инфляция 13,58 фоизга ошган. Туркия статистика идораси маълумотларига кўра, 2021 йил якунига бўйича мамлакатда истеъмол нархларининг ўсиши 36,08 фоизга етган. Йил давомида хизмат ишлаб чиқарувчилари нархлари индекси 38,08 фоизга ошган.
Хабарга кўра, Туркия марказий банкининг фоиз ставкасини 14 фоизга тушириш қароридан кейин лира арзонлаша бошлаган. Бу пайтда маҳаллий валюта курси бир долларга 18 лирадан ошиб, рекорд даражада пастлаган. Декабрь ойида мамлакат ҳукумати миллий валютани қўллаб-қувватлаш бўйича янги чораларни эълон қилган. Шундан кейин лира курси мустаҳкамланган.
Аввалроқ Туркияда лиранинг рекорд даражада қулаши фонида ставкаларни тушириш даври якунлангани хабар қилинганди.
