Билл Гейтс нефть гигантларининг қиймати пасайишини башорат қилди
Миллиардер барча йирик нефть компаниялари тоза энергияга ўтиш давридан омон қолмаслигини айтди
Microsoft асосчиси Билл Гейтс барча йирик нефть компаниялари тоза энергияга ўтиш давридан омон қолмаслигини айтди. Бу ҳақда Axios агентлиги хабар бермоқда.
Миллиардернинг таъкидлашича, янги давр гигантларнинг қулаши билан тавсифланади, деб ўйламаслик керак.
«Ҳа, гигантларнинг баъзилари қулайди. Биласизми, 30 йилдан кейин нефть компанияларининг айримлари жуда кам қийматга эга бўлади», — дейди у.
Гейтс, шунингдек, «кўк» водороддан фойдаланиш каби соҳаларда салоҳият кўришини айтди.
«АҚШда қувур инфратузилмаси мавжуд. Уни водород ташиш учун янгилаш мумкин», — дейди миллиардер.
CNBC’нинг ёзишича, кейинги беш йил ичида Exxon Mobil, BP ва Royal Dutch Shell каби компаниялар акциялар нархининг пасайишига дуч келди. Телеканалнинг таъкидлашича, нефтга бўлган талабга таъсир қилган ва ҳатто энг йирик нефть-газ компанияларида ҳам катта йўқотишларга сабаб бўлган коронавирус пандемиясининг бошида кучли пасайиш юз берган.
Аввалроқ миллиардер Стивен Спилберг 86 метрли супер яхтасини сотиб юборгани ҳақида хабар берилганди.