DARPA агентлик коинотда био-ишлаб чиқариш имкониятларини ўрганадиган B-SURE дастурини ишга туширганини эълон қилди. Бу ҳақда агентлик расмий сайтида хабар берилди.

Маълум қилинишича, коинотга учиш чоғида жамоа ўзлари билан зарур миқдордан кўпроқ Ерда яратилган маҳсулотларни олиб кетади. DARPA режаси парвоз пайтида маълум маҳсулотларни яратишни бошлаш ёки якунлашдан иборат. Микроблар ва махсус жиҳозлар буни хом ашёдан тайёрлашга ёрдам бериши кутилмоқда.

B-SURE дастури космик хом ашёдан микробиологик фойдаланиш, ўзгарувчан тортишишдаги микробиологик ўсишни назорат қилиш ва космик радиациянинг биоишлаб чиқаришга таъсирини юмшатишни ўрганади.

Ўрганиш 18 ой давом этади. Биринчи қисм «Муқобил хом ашёни утилизация қилиш» деб аталади. Унда тадқиқотчилар организмлар томонидан қандай муқобил хомашё сўрилиши мумкинлиги, унинг қанча миқдорда ва қанчалик тоза бўлиши кераклигини аниқлайди.

Иккинчи қисм — «Ўзгарувчан тортишиш» — турли хил био ишлаб чиқариш параметрларида ўзгарувчан тортишишнинг ҳужайраларга таъсир қилиш даражасини аниқлайди. Олимлар, шунингдек, ердаги ҳамкасблари орбитада молекуляр ишлаб чиқаришни қандай башорат қилишларини ҳам билиб олади. Дастурнинг «Ўзгарувчан нурланиш» деб номланган учинчи қисмида тадқиқотчилар турли даражадаги нурланиш микробиологик молекулалар ишлаб чиқаришга қандай таъсир қилишини синаб кўради.

B-SURE тадқиқотчилари АҚШ ҳукумати ва Мудофаа вазирлиги акциядорлари билан ҳамкорлик қилишлари мумкин. Бундан ташқари, улар ELSI Japan компаниясининг ахлоқ, ҳуқуқ ва жамият бўйича мутахассислари билан мулоқот қилади.

Аввалроқ NASA астероидлар траекториясини ўзгартирувчи тизимни синовдан ўтказиши ҳақида хабар берилганди.