Dogecoin инвестори Илон Маск ва унинг компанияларини «пирамида схемаси» учун судга берди
Маск, SpaceX ва Tesla вакиллари ҳамда Tesla’нинг юридик маслаҳатчиси сўровларига зудлик билан жавоб бера олмади.
Илон Маск, SpaceX ва Tesla Dogecoin «пирамида схемаси»да айбланувчига айланади. Бу ҳақда Bloomberg суд материалларига таяниб хабар бермоқда.
Нью-Йоркнинг жанубий округидаги суд жараёни 2019 йилдан буён муқобил криптовалюталар билан савдо қилиб келаётган Кейт Жонсон томонидан қўзғатилган.
Унинг фикрича, айбланувчилар уни ва бошқа сармоядорларни алдаб, альткоинларни қонуний сармоя сифатида кўрсатган. Жонсон 258 миллиард доллар товон пули талаб қилмоқда.
Унинг фикрича, Dogecoin билан АҚШ ва Нью-Йорк қонунлари асосида савдо қилиш қимор ўйнашга тенг, шунинг учун суд Маск, SpaceX ва Tesla компанияларига ушбу криптовалютани тарғиб қилишни тақиқлаши керак.
Жонсон суд жараёнида 2019 йил апрелидан бери инвесторлар кўрган молиявий йўқотишлар ҳажмини 258 миллиард долларга баҳолаган. У инвесторларга 86 миллиард доллар ва 172 миллиард доллар товон тўлашни талаб қилмоқда.
Маск, SpaceX ва Tesla вакиллари ҳамда Tesla’нинг юридик маслаҳатчиси агентлик сўровларига зудлик билан жавоб бера олмади.
Dogecoin 16 июнь, пайшанба куни 0,05 доллардан юқори савдога чиқди ва йил бошидан буён қиймати 67 фоизга пасайди.
Аввалроқ Илон Маскнинг Tesla компанияси ўз маҳсулотларига Dogecoin мем-криптовалютаси билан тўлов қилиш имкониятини яратганди.
Компаниянинг расмий веб-сайтидаги дўконда 835 DOGE учун Tesla тимсоллари туширилган камар боғичига, 12020 DOGE учун эса болалар учун электроквадроциклга буюртма бериш мумкин.
Шунингдек, Маск McDonald’s корпорациясини Dogecoin’ни қабул қилишни бошлашга чақирди.