Евроосиё Иқтисодий Комиссиясининг (ЕИК) Монополияни тартибга солиш департаменти «Яндекс»га нисбатан текширувни якунлади. Бу ҳақда «Ведомости» хабар бермоқда.

Текширув натижасида ЕОИИ монополияга қарши органи Яндексни Россия ҳудудидаги қидирув натижаларида реклама хизматлари бозорида устун мавқега эгаликда ва рақобат қоидаларини бузганликда айблади.

Биринчи қоидабузарлик — бойитилган жавобларда хизматлар ҳақидаги маълумотларни кўрсатиш учун имтиёзли шарт-шароитларни яратиш. Иккинчиси, «Директ»да рекламаларни кўрсатиш қоидаларининг банди бўлиб, унга кўра, реклама берувчи «Яндекс» хизматларининг реклама блокини алмаштирса, рекламани кўрсатишдан бош тортиши мумкин. Учинчи қоидабузарлик «Яндекс»нинг «жодугарлар»га фақат «Яндекс.Метрики» ва Yandex Pay тўлов хизматининг мажбурий уланиши билан киришини таъминлайди.

«‘Яндекс’нинг бу ҳаракатлари рақобатнинг чекланишига ва бошқаларнинг манфаатларининг бузилишига олиб келиши мумкин’, — дея хулоса қилди ЕИК экспертлари.

Комиссия барча ҳужжатларни Россия Федерал монополияга қарши кураш хизматига топширган. «Яндекс» материалларга изоҳ беришдан бош тортди, чунки «улар ЕИКдан ҳеч қандай ҳужжат олмаган». Агар фактлар тасжиқланса, «Яндекс» деярли 4,4 миллиард рубль жаримага тортилиши мумкин.

Маълумот учун, ЕИК Евроосиё иқтисодий иттифоқининг тартибга солувчи органи бўлиб, унинг қарорлари Россия, Арманистон, Беларусь, Қозоғистон ва Қирғизистонда мажбурийдир.

Аввалроқ «Яндекс» капиталлашуви биринчи марта 30 миллиард доллардан ошгани ҳақида хабар берилганди.