Fitch 2022 йил учун глобал ялпи ички маҳсулот ўсиши прогнозини 2,9 фоизгача пасайтирди. Агентлик глобал инфляция «ўсиш истиқболларига тобора салбий таъсир кўрсатаётган» босим мавжудлигини қайд этди.

Март ойида тузилган олдинги прогнозларда Fitch глобал ялпи ички маҳсулот ўсишини 3,5 фоизга баҳолаган эди. Агентлик, шунингдек, 2023 йил учун глобал иқтисодий ўсиш прогнозини 0,1 фоиздан 2,7 фоизгача пасайтирди.

Айрим ҳудудлар орасида Хитой ялпи ички маҳсулот прогнозидаги энг катта ўзгаришларга эга. Агентлик март ойида бу кўрсаткични 4,8 фоиз деб башорат қилган бўлса, ҳозирда мамлакат иқтисодиёти учун жиддий антиковид чекловлари оқибатларини ҳисобга олиб, уни 3,7 фоизга туширди.

АҚШда ялпи ички маҳсулотнинг ўсиши прогнозлари ҳам 0,6 фоиздан 2,9 фоизгача, евроҳудудда 0,4 фоиздан 2,6 фоизгача пасайган. 

«Евроҳудудда инфляция истеъмолчиларнинг реал даромадларига таъсир қилади», дейилади ҳисоботда.

Қайд этилишича, 2023 йил учун Fitch иқтисодий ўсишнинг АҚШда 1,5 фоизгача, 2024 йилда эса 1,3 фоизгача пасайишини прогноз қилмоқда.

Агентлик маълумотларига кўра, Федерал захира тизими 2022 йилнинг тўртинчи чорагида фоиз ставкаларини 3 фоизга, 2023 йилнинг биринчи чорагида эса 3,5 фоизга оширади.

Аввалроқ Fitch жаҳонда юзага келган вазият Ўзбекистонда инфляция даражасининг ортишига олиб келишини таъкидлаганди.