Хитойнинг энг йирик IT-компанияларидан бири Alibaba асосчиси, миллиардер Жек Ма Американинг Forbes журнали талқинига кўра, Хитойнинг 100 та энг бой бизнесмени рейтингида биринчи ўринни бой берди.

Нашр ўз рейтингида Манинг бойлигини 41,5 миллиард долларга баҳолаган, бу 2020 йил ноябрь ойига (65,6 миллиард доллар) нисбатан 24,1 миллиард долларга (37 фоизга) камдир. Ма рейтингда бешинчи ўринни эгаллаб турибди. Хитой расмийлари Ant Group финтеч хизматининг IPO’сини бекор қилганидан кейин тадбиркорнинг бойлиги камайиб кетди. Баҳорда Alibaba рекорд даражадаги 2,8 миллиард доллар жаримага тортилди, шундан сўнг компания 6 йил ичида биринчи марта чоракни зарар билан якунлади.

Bloomberg’нинг ёзишича, Alibaba 2021 йил давомида 344 миллиард доллар йўқотди. Айримлар ушбу муваффақиятсизликда Жек Мани айблади. Жек Манинг бойлиги 2021 йил баҳорида АҚШнинг Forbes журнали энг бой бизнесменлар рўйхатини эълон қилганидан бери 6,9 миллиард долларга камайди. Ўшанда ҳам Ма Хитойнинг энг бой бизнесменлари орасида тўртинчи ўринда эди.

Хитойнинг 100 та энг бадавлат тадбиркорлари рейтингида 2021 йил биринчи ўринни сув ишлаб чиқарувчи Nongfu Spring Chjung Shanshan асосчиси эгаллади. Нашр унинг бойлигини 65,9 миллиард долларга баҳолади. Uning boyligi nafaqat Xitoyda iste’mol talabining o’sishi, balki Beijing Wantai Biological Pharmacy farmatsevtika kompaniyasiga muvaffaqiyatli sarmoya kiritish hisobiga ham ko’paydi.

Унинг бойлиги нафақат Хитойда истеъмол талабининг ўсиши, балки Beijing Wantai Biological Pharmacy фармацевтика компаниясига муваффақиятли сармоя киритиш ҳисобига ҳам кўпайди: октябрь ойида унинг акциялари 2020 йилнинг мос даврига нисбата 76 фоизга қимматлади.

ByteDance асосчиси Чжан Имингнинг бойлиги бир йил ичида икки баравар кўпайди — 27,7 миллиард доллардан 59,4 миллиард долларгача. ByteDance TikTok видео хизматига эгалик қилади. Шунингдек, аккумулятор ишлаб чиқарувчи Contemporary Amperex Technology директорлар кенгаши раиси Робин Зенгнинг бойлиги бир йил ичида энг кўп — 50,8 миллиард долларгача ўсиб, кучли учликка кўтарилди.

Forbes журнали маълумотларига кўра, йил давомида Хитойнинг 100 та энг бадавлат тадбиркорларининг умумий бойлиги 150 миллиард долларга ошиб, 1,48 триллион долларга етган. Журналнинг ёзишича, Хитой ҳукумати IT-сектори, таълим ва қурилиш соҳалари устидан назорат кучайиши шароитида капитал ўсган.

Аввалроқ энг кўп миллиардер етишиб чиққан соҳалар бўйича таҳлилий мақола эълон қилинганди.