«Капиталбанк» ўз мижозларига мурожаат билан чиқди
Банкоматлар аввалги режимда ишлашда давом этади
«Капиталбанк» вақтинча профилактика ишларини олиб боради. Бу ҳақда банк матбуот хизмати хабар берди.
Маълум қилинишича, хизмат кўрсатиш сифатини ошириш мақсадида олиб борилаётган профилактика ишлари муносабати билан 2021 йил 15 ноябрдан 20 ноябргача Ўзбекистон бўйлаб инфокиоскалар вақтинча ишламайди.
«Капиталбанк» инфокиоскалари турли хил, жумладан, мобил алоқа учун тўловдан тортиб, кредитни тўлашгача бўлган тўловларни нақд ва нақд пульсиз усулларда амалга ошириш имконини беради.
«Олдиндан ўзингизга керакли операцияларни амалга оширишга улгуринг ёки энг яқин банк филиалига мурожаат қилинг. Келтирилган ноқулайликлар учун узр сўраймиз ва тушунишингизга умид қиламиз», дейилади хабарда.
Қайд этилишича, банкоматлар аввалги режимда ишлашда давом этади.
Аввалроқ Ойбек Турсунов Kapitalbank’нинг 34 фоиз акциясини сотиб олгани ҳақида хабар берилганди.
