Meta Diem криптовалютасидан воз кечган бўлиши мумкин, аммо Financial Times маълумотларига кўра, молиявий томонларни ўрганишда давом этмоқда.

Facebook ва Instagram’нинг бош компанияси ушбу соҳада бир нечта лойиҳаларни амалга оширмоқда, жумладан Zuck Bucks деб номланган виртуал валюта.

Meta асосчиси Марк Цукерберг номи билан аталган Zuck Bucks виртуал валютаси криптовалюта бўлиши даргумон.

«Бунинг ўрнига, Meta машҳур Roblox болалар ўйинидаги Robux валютаси каби ўйин иловаларида қўлланиладиганларга ўхшаб, компания томонидан марказлаштирилган тарзда бошқариладиган иловаларга токенларни киритишга мойилроқ», дейилади хабарда.

Roblox Robux сотадиган улкан бизнесни қурди, Meta бу муваффақиятни ўз платформаларида такрорлашга ҳаракат қилиши мумкин. Meta блокчейндан бутунлай воз кечмади ва Facebook’да NFT’ларни жорий этиш ва баҳам кўриш ҳақида ўйламоқда.