Microsoft Финляндияда уй ва офисларни ўз серверларидаги иссиқлик ёрдамида иситади
Лойиҳа серверлардан иссиқликни ишлатиш бўйича дунёдаги энг йирик дастурдир.
Microsoft ва Финляндиянинг Fortum энергия компанияси ҳамкорликда турар-жой бинолари ҳамда офисларини иситиш учун компаниянинг Хельсинкидаги маълумотларни қайта ишлаш ва сақлаш маркази ишлашидан ҳосил бўлган иссиқликни ишлатмоқчи. Бу ҳақда Fortum сайтида хабар берилди.
Қайд этилишича, серверлардан иссиқликни Хельсинки агломерациясидаги турар-жой бинолари, офислар ва бошқа бинолар олади. Бу серверлардан иссиқликни ишлатиш бўйича дунёдаги энг йирик лойиҳадир.
Microsoft’нинг маълумотларни қайта ишлаш ва сақлаш маркази (ЦОД) ҳали қурилмаган. Марказ экологик тоза электр энергиясидан фойдаланиши кутилмоқда. Fortum’га тегишли марказий иситиш инфратузилмаси ушбу марказдан иссиқликни йиғиш ва узатиш учун ишлатилади. Унга Эспоо и Кауниайнен шаҳарларида яшовчи 900 минг кишига иссиқлик узатувчи тахминан 250 километрлик ер ости қувурлари киради.
Fortum Президенти ва бош директори Маркус Раурамонинг сўзларига кўра, компаниялар карбонат ангидрид чиқиндиларини йилига 400 минг тоннага камайтириши мумкин. Финляндия Бош вазири Санна Мариннинг айтишича, бундай лойиҳада иштирок етиш «ютқазилмайдиган вариантдир.
«Ушбу қарор Финляндиянинг рақамли ўсишини тезлаштиради ва шу билан бир қаторда энергия тизимини янада яшил қилади», — деди Марин.
Бош вазир, шунингдек, ушбу ҳамкорлик экологик тоза бўлишга интилаётган бошқа давлатлар учун намуна бўлишига умид қилмоқда.
Аввалроқ сунъий йўлдошлар Ердаги иссиқлик оқимини аниқлашга ёрдам бериши хабар қилинганди. Шунингдек, Microsoft’нинг чораклик даромади кутилганидан 800 миллион доллар юқори бўлгани ҳақида хабар берилди.