«Тройка Диалог» сармоявий компаниясининг собиқ эгаси, арманистонлик миллиардер Рубен Варданян сиёсий фаолиятини бошлаш ниятида. Миллиардер бу ҳақда РБК телеканалига берган интервьюсида айтиб ўтди.

Варданяннинг сўзларига кўра, у сиёсий карьера саволларга қисқагина «ҳа» деб жавоб беради. Тадбиркорнинг таъкидлашича, энди у Арманистоннинг ривожланишига оид саволларга жавоб изламоқда.

«Буларнинг барчаси бизнесмен сифатида менинг қобиғим ва одатдаги кундалик ҳаётимдан ташқаридаги фаолият. Шу маънода, албатта, мен сиёсатда ўзимни кўраман», — деди миллиардер.

Президентлик амбицияларини шарҳлар экан, тадбиркорнинг айтишича, «жуда оғир аҳволга тушиб қолган» мамлакатни эндигина «мантиқсиз одам»гина бошқариши мумкин.

Рубен Варданян Forbes талқини бўйича Россиянинг 200 нафар энг бой тадбиркорлари рўйхатида 116-ўринни эгаллаган. Рейтинг тузилаётганда тадбиркорнинг бойлиги 1 миллиард долларга баҳоланганди. Варданян ва унинг менежерлари «Тройка Диалог»ни 2011 йилда «Сбербанк»га 1,4 миллиард долларга сотган.

Аввалроқ Алишер Усмоновнинг топ-менежери Иван Стрешинский миллиардерга айлангани ҳақида хабар берилганди.