Тошкент шаҳрининг Яшнобод туманида Ўзбекистон миллий банкининг Янгиобод филиалига қарашли «Янгиобод» эко-бозор савдо мажмуаси ҳудудида «Янгиобод» банк хизматларини кўрстаиш маркази очилди. Бу ҳақда ЎзА хабар берди.

Маълум қилинишича, «Янгиобод» банк хизматларини кўрстаиш маркази ушбу ҳудудда фаолият юритаётган тадбиркорлар билан ҳамкорликни ривожлантириш, «Ватандош» маҳалласи ҳудудида истиқомат қилувчи 5 мингдан ортиқ аҳолига банк хизматлари кўрсатишни йўлга қўйиш мақсадида ташкил қилинган. Ушбу қулайликни аҳоли вакиллари ҳам қўллаб-қувватлаши қайд этилган.

Шунингдек, банк хизматлари кўрсатиш марказлари томонидан мижозлар ва аҳолига банк хизматлари, шу жумладан, жисмоний шахсларга кредитлар ажратиш, ҳисоб рақамларга хизмат кўрсатиш, юридик шахслар учун масофадан хизмат кўрсатувчи i-Bank дастури ва жисмоний шахсларга Milliy мобиль дастури орқали масофадан туриб тўловларни амалга ошириш, кредит маблағларини сўндириш, омонатлар очиш, онлайн конвертация қилиш амалиётлари бажарилади.

Миллий банк томонидан мазкур йўналишда ишларни янада кенгайтириш ва банк хизматлари кўрсатишни республика ҳудудида хизмат кўрсатиш марказлари орқали кенг миқёсда амалга ошириш режалаштирилаётгани таъкидланган.

Аввалроқ Самарқандда Volkswagen ва Skoda дилерлик марказлари очилгани хабар қилинганди. Шунингдек, Жамшид Қўчқоров МДҲ Молия-банк кенгаши делегацияси билан учрашгани ҳақида хабар берилди.