Молия вазирлигида Яқин Шарқ-Форс кўрфази ва Марказий Осиё бўйича раҳбари, Европа Комиссиясининг Халқаро ҳамкорлик бўйича бош директорати Сара Риналди бошчилигидаги Европа Иттифоқи вакиллари билан учрашув бўлиб ўтди. Бу ҳақда вазирлик матбуот хизмати хабар берди.

Маълум қилинишича, учрашувда Ўзбекистон томонидан Агросаноат мажмуаси молияси ва атроф-муҳитни муҳофаза қилишни молиялаштириш департаменти директори Тўлқин Мирзаев, Макроиқтисодий таҳлил департаменти директори Зуҳриддин Ибрагимов ва Давлат бюджети департаменти директорининг биринчи ўринбосари Александра Хван иштирок этган. Молия вазирлиги делегацияcига Молия вазири ўринбосари Ахадбек Ҳайдаров бошчилик қилган.

Шу билан бирга, Европа Иттифоқининг Ўзбекистондаги элчиси Шарлотт Адриан, Европа Иттифоқи деделегациянинг ҳамкорлик бўлими раҳбари Франсуа Бежо, Яқин Шарқ-Форс кўрфази ва Марказий Осиё бўйича ҳамкорлик ва халқаро қўллаб-қувватлаш бўлими ходими, Европа Комиссиясининг савдо бўйича бош директори Титиен Амати ва вазирликнинг масъул ходимлари иштирок этган.

Қайд этилишича, учрашувда томонлар Ўзбекистоннинг макроиқтисодий кўрсаткичлар ва фискал ҳолати, давлат молиясини бошқариш, агросаноат комплекси, аҳолини ижтимоий ҳимоя қилишдаги ислоҳотлар, Европа Иттифоқи бюджетини қўллаб-қувватлаш лойиҳаси, шунингдек, келгусидаги ҳамкорлик истиқболларини муҳокама қилган.

Европа Иттифоқи томонидан Ўзбекистон таркибий ислоҳотларни муваффақиятли амалга ошираётганини ва эришилган натижалар билан Европа Иттифоқини ҳайратда қолдиришда давом этаётгани таъкидланган.

Шунингдек, учрашув якунида вазир ўринбосари Европа Иттифоқига давлат молиясини бошқариш, аҳолини ижтимоий ҳимоя қилишда техник ёрдам кўрсатиш, шунингдек, Европа Иттифоқига аъзо давлатлар Молия вазирлиги ходимларининг ўзаро тажриба алмашиш бўйича таклифларини билдирган.

Аввалроқ Иқтисодиёт вазири ўринбосари Европа Иттифоқи вакиллари билан «яшил» иқтисодиётга ўтишни муҳокама қилгани ҳақида хабар берилганди. Шунингдек, «Қишлоқ қурилиш банк» делегацияси БАА банки вакиллари билан учрашгани хабар қилинди.