Иқтисодий тараққиёт ва камбағалликни қисқартириш вазирлиги 1–27 ноябрь кунлари давомида асосий турдаги қишлоқ хўжалиги ва гўшт маҳсулотларининг улгуржи нархлари ўзгариши юзасидан таҳлилий маълумот эълон қилинди.

Маълум бўлишича, бу даврда бозорда бозорда ананас 27 500 сўмга, киви 14 000 сўмга, нок (маҳаллий) 6 000 сўмга, апельсин ва лимон 4 000 сўмга, мандарин 3 000 сўмга, нок (импорт) ва банан 2 500 сўмга, булғор қалампири 1 500 сўмга арзонлаган.

Шунингдек, бодринг 6 250 сўмга, помидор (пушти) 2 500 сўмга, гуруч (аланга) ва тарвуз 2 250 сўмга, узум, мош, нўхат 2 000 сўмга, помидор (қизил), булғор қалампири (яшил), ловия 1 500 сўмга, саримсоқ пиёз 1 000 сўмга, бақлажон 600 сўмга, сабзи (қизил), лавлаги 500 сўмга, картошка (маҳаллий), сабзи (сариқ) 250 сўмга ошган.

Давлат божхона қўмитасининг тезкор маълумотларига асосан, умумий қиймати 119,1 млн долларлик (ўтган йилнинг мос даврига нисбатан 12,1 млн АҚШ доллари кўп) жами 165,1 минг тонна (25,2 минг тонна кўп) қишлоқ хўжалиги маҳсулотлари экспорти амалга оширилди.

Хусусан, мазкур даврда 39,2 минг тонна узум, 23,7 минг тонна хурмо, 23 минг тонна мош, 13,2 минг тонна ловия, 10,3 минг тонна пиёз, 5,9 минг тонна қуритилган мева, 4,5 минг тонна турп, 4,9 минг тонна помидор, 3,7 минг тонна гулкарам, 3,3 минг тонна кўк пиёз ташқи бозорларга етказиб берилган.

Шунингдек, ушбу давр мобайнида 19,8 млн АҚШ доллари (ўтган йилнинг мос даврига нисбатан 3,6 минг АҚШ доллари кўп) қийматидаги жами 90,1 минг тонна (11,1 минг тонна кўп) қишлоқ хўжалиги маҳсулотлари, хусусан, 66,6 минг тонна картошка, 12 минг тонна банан, 2 минг тонна мандарин, 626,2 тонна киви ҳамда 674 тонна апельсин импорт қилинган.

Тезкор маълумотларга асосан, «Қўйлиқ» бозорига ҳудудлардан жами 20,1 минг тонна, хусусан, 10,4 минг тонна картошка, 7,2 минг тонна пиёз, 616 тонна карам ва 1,9 минг тонна сабзи келтирилган.

Хусусан:

• Самарқанддан 2 175 тонна, Тошкент вилоятидан 1 124 тонна картошка;
• Жиззахдан 2 688 тонна, Самарқанддан 2 395 тонна ва Тошкент вилоятидан 2 071 тонна пиёз;
• Тошкент вилоятидан 616 тонна карам;
• Қашқадарёдан 912 тонна, Бухородан 380 тонна, Тошкентдан 315 тонна, Сурхондарёдан 260 тонна ва Фарғонадан 28 тонна сабзи етказиб берилган.

Шунингдек, «Қўйлиқ» бозорига Қозоғистондан 5 708 тонна, Қирғизистондан 1 144 тонна ва Покистондан 120 тонна картошка келтирилган.

Шу билан бирга, ҳудудлардан «Чорсу» деҳқон бозорига жами 386,1 тонна, шу жумладан, 348,8 тонна мол гўшти ва 37,3 тонна қўй гўшти келтириб сотилган.