Тошкентда ўтказилган Ўзбекистон—Қозоғистон минтақалараро бизнес-форуми якунлари бўйича Самарқанд ва Туркистон шаҳарлари ўртасида савдо-иқтисодий ҳамда маданий-гуманитар соҳаларда ҳамкорликни ривожлантириш тўғрисида шартнома, қишлоқ хўжалиги соҳасидаги конкрет инвестиция лойиҳалари ва савдо шартномаларини кўзда тутувчи «Йўл харитаси» имзоланди.

Шунингдек, умумий қиймати 3 миллиард доллардан ортиқ бўлган Ўзбекистон ва Қозоғистон ишбилармон доиралари ўртасидаги ўзаро ҳамкорликни ривожлантириш режаларини жамлаган келишувларнинг мустаҳкам тўплами имзоланган.

Энг йирик келишувлар:

• Ўзбекистон ва Қозоғистон ўртасида ўзаро товар айирбошлаш ҳажмини ошириш ва агросаноат комплекси соҳасида қўшма лойиҳаларни амалга ошириш бўйича ҳамкорлик дастури (1,317 миллиард доллар);
• Chevrolet русумли автомашиналар комплектлари ва бутловчи қисмларни етказиб бериш бўйича келишув (500 миллион доллар)
• Чимкент шаҳрида тўқимачилик мажмуасини қуриш лойиҳаси бўйича ўзаро англашув меморандуми (лойиҳа қиймати 98 миллион доллар)
• Ангрен—Поп—Қўқон—Андижон—Савай темир йўл участкасида сигнализация ва алоқа тизимини модернизация қилиш (76,4 миллион доллар);
• Ўзбекистонда мультимодал транспорт-логистика марказини қуриш бўйича ҳамкорлик меморандуми (70 миллион доллар);
• Artel маиший техника ишлаб чиқариш бўйича лицензия шартномаси (55 миллион доллар);
• «Қозоғистонда кичик ҳажмдаги йиғиш усули бўйича Chevrolet автомобилларини ишлаб чиқаришни ташкил этиш» лойиҳасини молиялаштириш бўйича келишув (50 миллион доллар);
• Остонада керамик плиткалар ишлаб чиқариш бўйича инвестиция лойиҳасини бошлаш тўғрисидаги келишув (40 миллион доллар) ва бошқалар.

Бундан ташқари, Қозоғистон ва Ўзбекистон ҳудудларида геология-қидирув ишларини олиб бориш тўғрисидаги ўзаро англашув меморандуми, энергетика соҳасида ўзаро ҳамкорлик тўғрисидаги меморандум ва Самарқанд ва Туркистон шаҳар ҳокимклари ўртасида савдо-иқтисодий ва маданий-гуманитар соҳаларда ўзаро англашув меморандуми имзоланган.