IT Park директори Фарҳод Ибрагимов бошчилигидаги делегация 8–14 ноябрь кунлари Бангладеш Ахборот ва коммуникация технологиялари вазири Зунаид Аҳмад Палакнинг таклифига биноан Дакка шаҳрида бўлиб ўтган Бутунжаҳон ахборот технологиялари конгрессида (WCIT) иштирок этди. Бу ҳақда IT Park матбуот хизмати хабар берди.

Маълумотларга кўра, қўшма корхоналар очиш доирасида 2022 йилда 200 дан ортиқ, 2025 йилгача эса 1500 дан ортиқ иш ўрни яратилади. Бангладеш IT-компаниялари билан биргаликда IT Park резидентларининг пилот лойиҳалари ишга туширилади.

Қайд этилишича, қуйидагилар билан ўзаро англашув меморандумлари имзоланган:

• Бангладеш Call-марказлари ва BACCO аутсорсинг ассоциацияси Ўзбекистондаги BPO бозорини таҳлил қилиш ва мамлакат салоҳиятини аниқлаш учун Бангладеш мутахассисларини жалб қилиш;
• Ўзбекистонда IT-аутсорсингни ривожлантириш мақсадида Бангладеш уюшмаси аъзоларига Ўзбекистон BPO компаниялари билан қўшма корхоналар яратишда ёрдам ва кўмак кўрсатиш;
• IT-таълимни ривожлантириш, яъни ИТ соҳасида кадрлар тайёрлаш бўйича ҳамкорлик бўйича Hi-Techpark технопарки.

Маълум қилинишича, делегация WCIT Бутунжаҳон конгрессида иштирок этишдан ташқари, йирик маҳаллий ташкилотлар ва IT компаниялар билан қатор икки томонлама учрашувлар ташкил этишга муваффақ бўлган. Бангладеш Call-марказлари ва аутсорсинг ассоциацияси BACCO, Бангладеш Америка халқаро университети (AIUB), Hi-Techpark, SuperTel, КОW, Digicon Telecommunication, Genex, Golden Harvest, Fifotech ва Dohatec аутсорсинг компаниялари шулар жумласидан.

Аввалроқ IT Park қорақалпоғистонликлар учун хакатон эълон қилганди.