Ўзбекистонда 2021 йилги давлат бюджети даромадлари 170,9 триллион сўмни ташкил этиши кутилмоқда. Бу ҳақда Молия вазирлиги томонидан тақдим этилган 2022 йилги бюджетномада сўз боради.

Қайд этилишича, 2021 йил январь-сентябрь ойлари тушумлари асосида қилинган ҳисоб-китобларга кўра, йил якунлари бўйича давлат бюджети даромадлари 170,9 триллион сўмни ташкил этади.

Даромад «2021 йил учун Ўзбекистон Республикаси Давлат бюджети тўғрисида»ги қонунда кўзда тутилган прогнозга нисбатан 23,7 триллион сўмга ортиқча бажарилиши кутилмоқда.

Маълум қилинишича, давлат бюджетининг бошқа даромадларини асосан давлат улушига ҳисобланган дивидендлар ва давлат корхоналарининг соф фойдаси 15,4 триллион сўм, давлат божлари 1,9 триллион сўм, йиғимлар 2 триллион сўм, божхона йиғимлари 852 миллиард сўмни ташкил қилмоқда.

Аввалроқ Ўзбекистонда 2022 йил ЯИМ 6 фоизга ўсиши прогноз қилинганди.