Ўзбекистонда давлат бюджети харажатлари оширилди
Тикланиш ва тараққиёт жамғармасининг харажатлари 26 746 490 миллион сўмгача оширилди.
Ўзбекистонда 22 декабрдаги 738-сон Қонун билан «2021 йил учун Ўзбекистон Республикасининг Давлат бюджети тўғрисида»ги қонунга ўзгартиришлар киритилди. Бу ҳақда Norma ёзмоқда.
Киритилган ўзгартиришларга асосан 2021 йил учун консолидациялашган бюджет тақчиллигининг чекланган миқдори ялпи ички маҳсулотнинг 6,5 фоизини ташкил этади.
Шунингдек, қуйидаги харажатлар оширилди:
- давлат мақсадли жамғармаларининг харажатлари 41 226 950,3 миллион сўмгача;
- Тикланиш ва тараққиёт жамғармасининг харажатлари 26 746 490 миллион сўмгача.
Қайд этилишича, 2021 йил учун республика бюджетидан биринчи даражали бюджет маблағларини тақсимловчиларга ажратиладиган маблағларнинг чекланган миқдорлари оширилди. Республика бюджетидан уларга жами 162 837 498,1 миллион сўм ажратилади.
Ҳужжат қонун ҳужжатлари маълумотлари миллий базасида эълон қилинган ва 23 декабрдан кучга кирди.