Ўзбекистонда кам таъминланган оилаларга бола пули тўлаш тартиби ўзгартирилди
Бола пулини фарзанд 18 ёшга тўлгунича олиш мумкин бўлади
Ўзбекистонда кам таъминланган оилаларга ижтимоий ҳимоя доирасида тақдим этиладиган бола пулларини тўлаш тартиби ўзгартирилди. Бу ҳақда Пенсия жамғармаси матбуот хизмати хабар берди.
Қайд этилишича, кам таъминланган оилаларга ижтимоий нафақалар ва моддий ёрдам тайинлаш билан боғлиқ қуйидаги асосий ўзгартиришлар киритилди:
- Амалда бўлган кам таъминланган оилаларга 14 ёшгача болалари учун нафақа ва 2 ёшгача болани парвариш қилиш нафақаси ўрнига ягона болалар нафақаси жорий этилди;
- болалар ёши меъёри 14 ёшдан 18 ёшгача оширилди;
- тўлов муддати 6 ойдан 12 ойгача узайтирилди.
Шунингдек, нафақа миқдори оиладаги болалар сонидан келиб чиқиб белгиланиши жорий этилди. Бунда:
- 3 ёшгача битта фарзанди учун — 325 минг сўм;
- 3 ёшдан 18 ёшгача бўлган битта фарзанди учун — 250 минг сўм;
- иккинчи фарзанди учун қўшимча — 150 минг сўм;
- учинчи ва ундан кейинги ҳар бир фарзанди учун қўшимча — 100 минг сўм этиб белгиланган.
Аввалроқ Ўзбекистонда аҳолини ижтимоий ҳимоя қилиш тизими такомиллаштирилиши ҳақида хабар қилинганди.
Hi-Tech 16:39 · 11.03.2024
Қозоғистонда Apple’нинг расмий офиси очилиши мумкин
Жамият 14:28 · 11.03.2024
Ўзбекистонда электр таъминотидаги барча чекловлар олиб ташланди
Туризм 20:43 · 09.03.2024
Туркия 2023 йилда туризмдан 54,3 миллиард доллар даромад қилган
Life 19:36 · 09.03.2024
«Оскар» киномукофотининг тақдимотига қанча пул сарфланади?
Жамият 18:49 · 09.03.2024
2024 йил учун закот, фитр ва фидя миқдорлари белгиланди
Интервью
Рейтинг
Таҳлил