Ўзбекистонда уруш фаҳрийлари бошқа давлатлар билан солиштирганда кўпроқ тўлов олади
Ўзбекистонда тўловлар миқдори йилдан йилга ошиб бормоқда.
Ўзбекистон фахрийлари бошқа мамлакатлар билан солиштирганда нисбатан кўпроқ тўловлар олади, деб ёзади Telegram’даги «Нигоҳ» канали.
Аввал хабар берилганидек, Хотира ва қадрлаш куни муносабати билан Иккинчи жаҳон уруши қатнашчилари, концлагерлар маҳбуслари ва Ленинград қамалида бўлган фуқаролар 15 миллион сўмдан (тахминан 1340 доллар) олади.
Бу, Озарбайжон (882 доллардан кам), Беларусь (535 доллар), Қирғизистон (1209 доллар), Молдова (540 доллар), Россия (140–350 доллар), Тожикистонга (240–480 доллар) нисбатан юқори.
«Таъкидлаш жоизки, Ўзбекистонда тўловлар миқдори йилдан йилга ошиб бормоқда: 2017 йил — 2 миллион, 2018 йил — 5 миллион, 2019 йил — 7,5 миллион, 2020 йил — 10 миллион, 2021 йил — 12 миллион», дейилади хабарда.
Эслатиб ўтамиз, 9 май арафасида уруш қатнашчилари, концлагерлар маҳбуслари ва Ленинград қамалида бўлган фуқароларга 15 миллион сўмдан берилиши маълум қилинди.
Шунингдек, 1 майдан пенсия ва нафақалар 12 фоизга оширилади. Энг кам пенсия оладиган 725 минг нафар аҳолининг пенсияси 14 фоизга кўтарилади (440 минг сўмдан 500 минг сўмга).