Ўзбекистонда янги тўлов тизими оператори фаолиятига рухсат берилди
Марказий банк бошқарувининг қарори билан янги операторга лицензия берилган
Ўзбекистонда «QULAY PUL» тўлов тизими оператори фаолиятига рухсат берилди. Бу ҳақда Марказий банк матбуот хизмати хабар берди.
Маълум қилинишича, Марказий банк бошқарувининг қарорига мувофиқ, «QULAY PUL» масъулияти чекланган жамиятига тўлов тизими оператори фаолиятини амалга ошириш учун лицензия берилган.
Маълумот ўрнида, QIWI Uzbekistan электрон пуллар тизими Марказий банкнинг Электрон пуллар тизими реестрига киритилиб, электрон пулларнинг чиқарилиши фаолиятига рухсат берилганди. Шу билан бирга, банк томонидан GlobalPay электрон пуллар тизими фаолиятига рухсат берилган.
Аввалроқ Ўзбекистонда янги электрон пуллар тизими фаолиятига рухсат берилгани хабар қилинганди. Шунингдек, Ўзбекистонда янги банк фаолиятига рухсат берилгани ҳақида хабар берилди.
