«Ўзбекнефтгаз» АЖ 2022 йилнинг 1 январидан бошлаб барча харидлар тўлиқ электрон шаклда ўтказилишини маълум қилди. Бу ҳақда жамият матбуот хизмати хабар бермоқда.

Маълум қилинишича, харидлар жараёнини электрон тарзда ўтказиш бўйича ҳам самарали ишлар амалга оширилаётгани маълум қилинди. «Харидлар тўғрисидаги»ги қонун талабларига биноан 2022 йилнинг 1 январидан бошлаб жамият томонидан барча харид жараёнлари махсус электрон порталлар орқали тўлиқ электрон шаклда ўтказилиши йўлга қўйилади.

Хабарга кўра, жамият томонидан 2020 йилнинг 1 январидан бошлаб барча харидлар тўғрисидаги маълумотлар мажбурий тарзда махсус ахборот портал (exarid.uzex.uz) билан биргаликда, жамиятнинг расмий вэб-сайти, tenderweek.uz ва бошқа очиқ ахборот воситаларига жойлаштириб бориш орқали соғлом рақобат муҳити яратилмоқда. Шунингдек, харидлар натижалари бўйича расмийлаштирилган комиссия баённомалари 3 кун давомида жамоатчилик муҳокамаси учун махсус ахборот порталига жойлаштирилмоқда.

Қайд этилишича, ҳисобот даврида тузилган шартномалар доирасида умумий қиймати 29,9 миллион доллар бўоган эквивалент ва 6,1 миллиард сўм қийматдаги моддий-техник ресурслар ҳамда хизматлар етказиб келтирилиб, бажарилган. Хусусан, тузилган ва режалаштирилган шартномалар доирасида жами 7,3 миллиард сўм эквивалентдаги жамият маблағлари иқтисод қилинишига эришилган.

Аввалроқ «Фарғонаазот»нинг устав капиталидаги акция пакетлари хусусийлаштирилиши маълум қилинганди. Шунингдек, Ўзбекистонда суғуртанинг барча турлари электрон амалга оширилиши ҳақида хабар берилди.