Ҳозирда 32 та тижорат банкидан фақат 31 таси миллий валютада офлайн омонатлар таклиф қилмоқда. «Ўзагроэкспортбанк» банки томонидан вақтинчалик омонатлар таклиф этилмаяпти. Сўмли омонатни очиш учун ўртача 100 мингдан 1 миллион сўмгача кичик маблағ талаб қилинади.

Натижаларига кўра, жисмоний шахсларга таклиф этиладиган қулай юқори фоизлар билан офлайн омонатлар бўйича Топ-10 банклар орасидан жой эгалаган банклар:

• TBC bank (фоиз ставкаси — 23 фоиз, омонат муддати чекланмаган, минимал миқдори чекланмаган);
• «Анорбанк» (фоиз ставкаси — 19–27 фоизгача, омонат минимал миқдори —100 минг сўм, омонат муддати — 13 ой);
• «Тенге банк» (йиллик фоиз ставка — 23 фоиз, омонат муддати — 13 ой, омнатнинг минимал қиймати — 1 миллион сўм).
• Категориялар бўйича, кейинги топ-10 банклар орасидан бир хил йиллик фоиз ставкаси (22 фоиз) билан қуйидаги банклар жой эгалаган:
• «Универсал банк» (омонат минимал миқдори — 500 минг сўм, омонат муддати — 22 ой);
• «Агробанк» (омонат минимал миқдори — 500 минг сўм, омонат муддати — 13 ой);
• «Капиталбанк» (омонат минимал миқдори — 1 миллион сўм, омонат муддати — 25 ой);
• «Давр банк» (омонат минимал миқдори — 1 миллион сўм, омонат муддати — 13 ой);
• Hi-Tech bank (омонат минимал миқдори — 1 миллион сўм, омонат муддати — 6 ой);
• Asia Alliance Bank (омонат минимал миқдори — 10 миллион сўм, омонат муддати — 18 ой).
• «Равнақ банк» (фоиз ставкаси — 21,5 фоиз, омонат минимал миқдори — 500 минг сўм, омонат муддати — 36 ой).

Шу ўринда таъкидлаш керакки, тижорат банклари томонидан миллий валютада жисмоний шахсларга қулай офлайн омонатлар бўйича энг баланд ставкани TBC bank (23 фоиз), «Анорбанк» (19–27 фоизгача) ва «Тенге банк» (23 фоиз) тақдим этмоқда.

Энг паст ставка «Ориент Финанс банк» (15 фоиз) томонидан таклиф этилмоқда.

Бундан ташқари, қуйидаги банклар: «Туркистон банк», «Эрон Содерот банк», «Мадад инвест банк», «ЎзКДБ банк» томонидан омонатлар мижозлар билан келишилган ҳолда қабул қилинади.

Марказий банк маълумотларига кўра, шу йилнинг июнь ойигача, тижорат банклари томонидан миллий валютада жисмоний шахслардан жалб қилинган омонатлар 156 триллион 630,8 миллиард сўмни ташкил этган. Шунингдек, 2021 октябрь ҳолатига кўра тижорат банклардаги миллий валютада жисмоний шахсларга таклиф этилаётган омонтларнинг ўртача йиллик фоиз ставкаси олдинги ойга нисбатан пасайган бўлиб 19,6 фоизни (сентябрь — 20,3 фоиз) ташкил этди.

Маълумотлар тижорат банкларининг веб-сайтларидан олинган бўлиб, омонат шартлари ўзгариши мумкин. Батафсил маълумот учун банкларнинг веб-сайтларига ташриф буюриш мумкин.

Муҳаммаджон Рашидов, Иқтисодий тадқиқотлар ва ислоҳотлар маркази