Илон Маск билан келишувнинг муваффақиятсиз тугаши Twitter даромадининг пасайишига сабаб бўлди. Бу ҳақда компания молиявий ҳисоботида айтилди.

Компания 2022 йилнинг иккинчи чорагида Илон Маск билан битимга эришиш учун 33 миллион доллар сарфлаганини маълум қилди.

Тармоқ, шунингдек, даромаднинг камайиши cабаблари сифатида реклама соҳасидаги муаммолар ва умумий иқтисодий вазиятни ҳам тилга олади. Бироқ «Илон Маск томонидан Twitter’нинг сотиб олиниши билан боғлиқ ноаниқлик» ижтимоий тармоқ маблағлари йўқотилишининг асосий омили дея кўрилади.

Маск 2022 йил апрель ойида Twitter’ни сотиб олиш бўйича келишувга эришган ва бир неча ҳафтадан сўнг уни бекор қилишга ҳаракат қила бошлаган. Июль ойи бошида Tesla раҳбари 44 миллиард долларлик келишувни бекор қилди. Қимматли қоғозлар ва биржалар комиссияси (СEC) мактубида Twitter битим мажбуриятларини бажармагани ва бирлашиш келишувини бузгани айтилган.

Октябрь ойида Маск ва ижтимоий тармоқ ўртасида суд бўлиб ўтади.

Twitter Маск компанияни ҳозирги акциялари нархидан қимматроққа сотиб олишига умид қиляпти. Бироқ ҳозирча келишув Twitter учун реклама сотишни қийинлаштирмоқда.

Bloomberg аввалроқ Twitter реклама берувчиларни Маск тармоқеи ривожлантириши мумкинлигига ишонтиришга уринаётгани ҳақида хабар берган эди. Худди шу вақтда, Ad Age нашри Twitter ва Маск ўртасидаги жанжал ижтимоий тармоқнинг реклама сотувида «тартибсизликлар»га олиб келганини ёзди.

Twitter’нинг реклама савдоси йиллик 2 фоизга ўсди, аммо умумий даромад камайди.

«Компания реклама даромадини тезроқ ошириши керак», деб ёзади The Verge.

Twitter 2021 йилнинг йилнинг шу чорагида 270 миллион доллар йўқотган ва 66 миллион доллар фойда кўрган эди.

Бундан ташқари, Twitter’нинг даромади 2021 йилда 74 фоизга ўсган бўлса, ҳозирда пасаймоқда. Шу билан бирга, ижтимоий тармоқ кунлик фойдаланувчилари сони ўтган чоракдаги 229 миллиондан 237 миллионга кўпайган. Йиллик фойдаланувчилар сонининг ўсиши 16 фоиздан ошди.

Аввлроқ Маскнинг адвокатлари Twitter даъвоси бўйича суд мажлисини кейинга қолдиришни сўраганди. Адвокатлар қайд этишича, «бундай катта миқёсдаги ишни» бунчалик қисқа вақт ичида якунлаб бўлмайди. Бироқ АҚШнинг Делавэр штатидаги Адолат суди Twitter вакиллари билан учрашиб, уларнинг Илон Маскка қарши суд жараёнини тезлаштириш ҳақидаги илтимосини маъқуллади.

Судья МакКормикнинг таъкидлашича Маскнинг адвокатлари суднинг 2023 йил февралида ўтказилишини талаб қилиб, суднинг йирик битимлар бўйича мураккаб ҳуқуқий низоларни «тез ҳал эта олиш қобилиятини етарлича баҳоламаган».