Уч миллиондан 8 миллион сўмгача: Ўзбекистондаги Instagram мутахассислари учун энг кўп маош таклиф қилинаётган ишлар
Kommers.uz ва HeadHunter ҳамкорликда SMM-мутахассислари учун энг актуал вакансиялар рўйхатини тузиб чиқди.
Kommers.uz ва HeadHunter Ўзбекистонда Instagram бўйича SMM-мутахассислари учун ортаётган бўш иш ўринлари ва таклиф этилаётган маошлар ҳақида маълумот тақдим этади.
«HeadHunter Ўзбекистон» мутахассислари сўнгги олти ой давомида Instagram’да ишлаш бўйича эълон қилинган 300 дан ортиқ бўш иш ўринларини таҳлил қилиб, қайси мутахассисларга талаб кўплиги ва уларга таклиф этилаётган маош, шунингдек, иш берувчилар нимани талаб қилаётганини аниқлади.
Маълум бўлишича, йил бошидан бери ўзбекистонлик иш берувчилар «Instagram» сўзи тилга олинган 300 дан ортиқ бўш иш ўринларини жойлаштирди. Шунингдек, мутахассислардан Instagram билан ишлаш талаб қилиниши мумкин.
Йилнинг охирги ярмига нисбатан бундай бўш иш ўринларининг ўсиши +17 фоизни ташкил қилмоқда. Instagram’да ишлай оладиган мутахассисларга талаб бўйича етакчилар Тошкент (200 дан ортиқ вакансия) ва Самарқанд (100 дан ортиқ вакансия) шаҳарлари бўлди.
Таклиф этилаётган максимал иш ҳақи 10 миллион сўм атрофида бўлди. Иш берувчилар ушбу маошни 3–6 йиллик тажрибага эга SMM мутахассисларига/маркетологларга тўлашга тайёр. Энг кам иш ҳақи 1 миллион сўмдан бошланади, кўпинча бундай маошлар янги иш бошлаётганларга ярим кунлик иш сифатида таклиф этилади. Бундай бўш иш ўринларида таклиф этилаётган ўртача иш ҳақи ҳозирда қарийб 4 миллион сўмни ташкил этади.
Кўпинча Instagram билан ишлайдиган мутахассисларни реклама ва маркетинг агентликлари, оммавий ахборот воситалари, кўнгилочар ва санъат компаниялари, шунингдек, чакана савдо корхоналари ва таълим муассасалари қидиради.
Ўзбекистондаги Instagram мутахассислари учун бўш иш ўринлари рўйхати:
Компания: Home Shopping Media МЧЖ
- Лавозим: Таргетолог / SMM менежер
- Иш ҳақи миқдори: 3 миллиондан 8 миллион сўмгача (даромад солиғи билан ҳисоблаганда)
Вакансия билан ушбу ҳавола орқали танишиш мумкин.
Компания: INDENIM МЧЖ
- Лавозим: SMM менежер
- Иш ҳақи миқдори: 3 миллион сўмдан бошланади (даромад солиғисиз)
Вакансия билан ушбу ҳавола орқали танишиш мумкин.
Компания: WALL STREET ACADEMY МЧЖ
- Лавозим: SMM менежер
- Иш ҳақи миқдори: 3 миллиондан 5 миллион сўмгача (даромад солиғи билан ҳисоблаганда)
Вакансия билан ушбу ҳавола орқали танишиш мумкин.
Компания: GLAMOUR COSMETICS МЧЖ
- Лавозим: SMM мутахассис
- Иш ҳақи миқдори: 3 миллиондан 5 миллион сўмгача (даромад солиғисиз)
Вакансия билан ушбу ҳавола орқали танишиш мумкин.
Компания: «ПроектДом» МЧЖ
- Лавозим: График дизайнер
- Иш ҳақи миқдори: 500 доллардан бошланади (даромад солиғисиз)
Вакансия билан ушбу ҳавола орқали танишиш мумкин.
Компания: WALL STREET ACADEMY МЧЖ
- Лавозим: Видеомонтажчи
- Иш ҳақи миқдори: 3 миллиондан 5 миллион сўмгача (даромад солиғи билан ҳисоблаганда)
Вакансия билан ушбу ҳавола орқали танишиш мумкин.
Компания: UNITEL LLC МЧЖ
- Лавозим: Рақамли алоқа бўйича PR менежери
- Иш ҳақи миқдори: иш ҳақи кўрсатилмаган
Вакансия билан ушбу ҳавола орқали танишиш мумкин.
Компания: INDALO DERMOKOSMETIKA (Bioderma Uzbekistan) МЧЖ
- Лавозим: SMM менежер
- Иш ҳақи миқдори: 4 миллиондан 6 миллион сўмгача (даромад солиғи билан ҳисоблаганда)
Вакансия билан ушбу ҳавола орқали танишиш мумкин.
Аввалроқ Ўзбекистонда имконияти чекланганлар учун ортаётган бўш иш ўринлари ва уларга таклиф этилаётган ўртача маош хабар қилинганди. Шунингдек, Ўзбекистонда энг актуал касблар ва ўртача иш ҳақи кутилмаси ҳақида хабар берилди.