Poytaxtdagi pulli “parkovka” narxlari tasdiqlandi
Toshkent shahar hokimligining qaroriga ko‘ra, pulli to‘xtash joylari 5 ta tarif zonasiga (1 soat uchun) bo‘lindi va eng qimmat zona 12 ming so‘m etib belgilandi.
Toshkent shahrida transport vositalarining pulli to‘xtab turish joylari faoliyatini yanada takomillashtirish bo‘yicha shahar hokimining qarori e’lon qilindi.
Poytaxtda transport vositalarining pulli to‘xtab turish joylaridan foydalanganlik uchun to‘lovlar quyidagi uch tarif zonasida asosida to‘lov amalga oshiriladi:
- 1 – tarif zonasi — 12 ming so‘m;
- 2 – tarif zonasi — 10 ming so‘m;
- 3 – tarif zonasi — 8 ming so‘m;
- 4 – tarif zonasi — 6 ming so‘m;
- 5 – tarif zonasi — 5 ming so‘m;
Quyidagi toifadagi transport vositalaridan to‘xtash joyidan foydalanganlik uchun to‘lov undirilmasligi ma’lum qilindi:
- favqulodda vaziyatlar va maxsus xizmatlar xodimlari tomonidan foydalaniladigan jigarrang, qizil yoki ko‘k-qizil miltillovchi chiroq va maxsus
ovozli signallar bilan jihozlangan transport vositalari; - old va orqa oynalarida “7.17” yo‘l belgisi tasviri tushirilgan I yoki II guruh nogironligi bo‘lgan shaxslarning transport vositalari (jumladan, nogironlar uchun
mo‘ljallangan maxsus transport vositalari); - II Jahon urushi qatnashchisining transport vositasi;
- davlat ro‘yxatidan o‘tkazilmaydigan ikki g‘ildirakli transport vositalari.
Bundan tashqari, parkingda, shu jumladan, savdo, xizmat ko‘rsatish, tibbiyot, sport, madaniy-ko‘ngilochar muassasalar yonidan besh foiz joy (lekin 1 donadan kam bo‘lmagan) imtiyozli ruxsatnomaga ega shaxslar uchun ajratiladi.