Uber Hindistonda suv-taksi xizmatini yoʻlga qoʻydi
Uber Hindistonda yangi suv taksisi xizmatini ishga tushirdi. Ushbu xizmat Kashmirdagi Dall koʻli bo‘ylab sayohat qilishni xohlaganlarga mo‘ljallangan bo‘lib, mahalliy shikarа qayiqlari orqali amalga oshiriladi. Xizmat Uber ilovasi orqali bron qilinib, to‘lovlar bevosita qayiq egalariga beriladi.
Uber Hindistonda yangi suv taksisi xizmatini ishga tushirdi. Bu haqda Reuters xabar berdi. Tashkilot Kashmirdagi Dall koʻli bo‘yida sayohat qilish uchun mahalliy shikarа qayiqlarini tanladi. «Dal Lake Shi» deb nomlangan yangi xizmat Uber ilovasi orqali kamida 12 soat oldin bron qilinishi mumkin. Hozirgi kunda koʻl bo‘ylab 4000 ga yaqin shikarаlar faoliyat ko‘rsatmoqda.
Uber bu yangi xizmatni zamonaviy texnologiyalar va mahalliy an’analarning uyg‘unlashuvi sifatida taqdim etmoqda. Sayohat uchun to‘lovlar bevosita qayiq egalariga to‘lanadi, Uber esa hech qanday komissiya olmaydi. Bu tashabbus mahalliy qayiq egalarining ba’zilarida turli fikrlar tug‘dirdi. Ayrimlari Uber bilan hamkorlik qilish narxlar barqarorligini ta’minlash va firibgarliklarni oldini olishga yordam berishini ta’kidlasa, boshqalari esa buning unchalik o‘zgarish keltirmasligini aytmoqda.
Uber, avtomobil transporti sohasidagi yetakchi xizmatdan tashqari, 2019-yilda vertolyot-taksi xizmatini ishga tushirgan edi.2024-yilning yozida kompaniya butun Yevropada qayiq va kemalarni ijaraga olish imkoniyatini taqdim etgan. Bundan tashqari, ayrim davlatlarda Uber ilovasi orqali skuterlar ijarasi va aviabiletlarni bron qilish ham mumkin.
Bundan tashqari, AQSHning Joby Aviation kompaniyasi 2025-yil oxiriga qadar Nyu-York va Los-Anjelesda «havo taksi» xizmatini ishga tushirishni maqsad qilgan.
Ma’lumotlarga ko‘ra, Dall koʻli bo‘yida Uber Black narxlari bilan bir xil bo‘lgan sayohatning taxminiy narxi 100-200 dollar atrofida bo‘ladi. Keyinchalik, bu narxlar Uber XL tariflariga moslashishi mumkin – 50-100 dollar.
