Тошкент бозорларида кунлик патта нархлари ошади
Пойтахт ҳокимлиги бозорлардаги бир марталик йиғимлар, ижара тўловлари ва кўрсатиладиган хизматлар қийматининг янги миқдорларини жорий этишга оид қарор лойиҳасини муҳокамага қўйди. Унда Тошкент бозорларида савдонинг бир талай турларига патта нархини ўртача 20-30 фоизга ошириш кўзда тутилган.
Тошкент шаҳар ҳокимлиги «Тошкент шаҳридаги бозорлар ва савдо комплексларининг маъмурияти томонидан ундириб олинадиган бир марталик йиғимлар, ижара тўловлари ва кўрсатиладиган хизматлар қийматининг янги миқдорларини жорий этиш тўғрисида»ги қарор лойиҳасини эълон қилди.
Қарорда Тошкент бозорларида савдонинг бир талай турларига патта нархини ўртача 20-30 фоизга ошириш кўзда тутилган. Янги патта нархларининг миқдори қуйидагича ўзгариши мумкин (бозорда маҳсулотни савдо ўринларида сотиш, 1 ўрин/1 кун):
- ҳўл мевалар (анор, олма, нок ва бошқа) – 18 000 сўм (ҳозир 15 000 сўм);
- цитрус ва тропик мевалар – 39 000 сўм (ҳозир 32 000 сўм);
- қуруқ мевалар (туршак, майиз, писта, бодом) – 40 000 сўм (ҳозир 33 000 сўм);
- сут маҳсулотлари – 15 000 сўм (ҳозир 18 000 сўм);
- полиз маҳсулотлари (қовун, тарвуз) – 34 000 сўм (ҳозир 28 000 сўм);
- гўшт маҳсулотлари – 42 000 (ҳозир 35 000 сўм).
