Ўзбекистон июнь ойида автомобиллар импортини камайтирди
Мамлакатга автотранспорт воситаларининг асосий экспортчиси Хитой бўлиб қолмоқда — 21,39 минг дона. Унинг умумий етказиб беришдаги улуши 87,8 фоиздан ошган.
Миллий статистика қўмитаси маълумотларига кўра, июнь ойида Ўзбекистонга автомобиллар импорти ўтган ойга нисбатан сезиларли даражада камайган.
Январь—июнь ойларида умумий қиймати $422,1 млнга тенг бўлган 24 355 та енгил автомобиль импорт қилинган. Июнь ойи якунларига кўра, $96,8 млнлик (-13,2%) 5968 та машина (май ойига нисбатан 5,3%га камайган) олиб келинган.
Биринчи ярим йилликда импорт қилинган автотранспорт воситаларининг ярмидан кўпи электромобилларга тўғри келади. Мамлакатга жами 14 356 та электромобиль етказиб берилди, шундан 4567 таси июнь ойининг ўзида (ойлик импортнинг 76%и).
Ўзбекистонга автотранспорт воситаларининг асосий экспортчиси Хитой бўлиб қолмоқда — 21,39 минг дона. Унинг умумий етказиб беришдаги улуши 87,8%дан ошди ва июнь ойида Хитой маҳаллий дилерларга 5526 та автомобиль жўнатди — бу ойлик импортнинг деярли 93%и.
Иккинчи ўринни 2032 та машина билан Жанубий Корея эгаллади ёки жорий йилда умумий импортнинг 8,34%ини ташкил этди. Шу билан бирга, июнь ойида етказиб бериш 150 тагача қисқарди, бу май ва апрель ойларидаги даражадан анча паст.
Етакчилар учлиги орасида сезиларли даражада ортда қолган Ҳиндистон учинчи ўринда турибди. У ердан 168 та машина олиб келинган, аммо май июнь ойларида етказиб бериш тўхтаб қолган.
Бундан ташқари, мамлакатга Америка ва Японияда ишлаб чиқарилган 145 тадан автомобиль киритилган. Қолган мамлакатларга жами 466 та машина тўғри келган.
