UzAuto Motors Рақобат қўмитаси талабига биноан автомобиль етказиб бериш бўйича шартномаларга бир қатор ўзгартиришлар киритди. Бу ҳақда қўмита матбуот хизмати хабар берди.

Назорат қилувчи орган автомобиль ишлаб чиқарувчининг дилерлик корхоналари томонидан тақдим этилган шартномаларда қонун ҳужжатларига бироз зид бўлган ҳолатларни аниқлади. Таҳлил натижаларига кўра, компания намунавий ҳужжатнинг 21 та кичик бандига ўзгартиришлар киритди.

Йил давомида бир хил UzAuto Motors модели учун шартнома тузиш факти аниқланганда етказиб бериш муддатини узайтириш тўғрисидаги банд чиқариб ташланди. Компания бу ҳолатда муддатни 120 кунга узайтириши мумкин эди.

Бундан ташқари, «Форс-мажор» бўлимида ишлаб чиқарувчига боғлиқ бўлмаган ҳолатлар бўйича ишлаб чиқаришда вақтинчалик танаффус бўлганда етказиб бериш муддати қўшимча равишда 45 кунгача узайтирилиши мумкинлиги белгиланган. Бунгача у «Сотувчининг мажбуриятлари» бўлимига киритилган эди.

Компания томонидан қўшимча шартнома имзолангандан кейин 30 кун ичида пулни қайтариш муддати 10 кунга қисқартирилади.

Шунингдек, шартноманинг янги таҳририда сотувчининг қонун ҳужжатларида белгиланган мажбуриятлари янада аниқ белгиланади.

Рақобат қўмитаси UzAuto Motors ҳаракатларини олқишлади ва ўзгаришлар «истеъмолчилар манфаатлари учун» киритилаётганини таъкидлади.