Ўзбекистонда июль ойида енгил автомобиллар савдоси сезиларли ошди

Бу ҳолат истеъмолчилар фаоллигининг тикланиши ва талабнинг ҳудудлар бўйича диверсификацияланганини кўрсатади. Енгил автомобилларнинг умумий савдоси деярли 100 минг донани ташкил этди, бу ўтган ойга нисбатан 25 фоизга кўп.

2025 йил июль ойида Ўзбекистон автомобиль бозорида савдолар сезиларли даражада ошган. Бу ҳақда Иқтисодий тадқиқотлар ва ислоҳотлар маркази таҳлилида келтирилган.

Сотилган автотранспорт воситалари ҳажми 116,8 минг дона бўлиб, бу жорий йил июнь ойига нисбатан 27% га кўп ва 2024 йил январидан бери (144,5 минг дона) энг юқори кўрсаткичдир.

Бундай динамика мавсумий пасайиш давридан кейин бозор фаоллигининг тикланишини кўрсатади.

Енгил автомобиллар сегментида июль ойида савдо ҳажми сезиларли даражада ошди. Бу ҳолат истеъмолчилар фаоллигининг тикланиши ва талабнинг ҳудудлар бўйича диверсификацияланганини кўрсатади. Енгил автомобилларнинг умумий савдоси деярли 100 минг донани ташкил этди, бу ўтган ойга нисбатан 25% га кўп.

автомобиль бозори, бирламчи бозор, электромобиллар, иккиламчи бозор, итим, июль, таҳлил, хорижий автомобиллар

Энг юқори ижобий динамика Тошкент (ўсиш 51%), Наманган (49%) ва Хоразм (40%) вилоятларида қайд этилди.

Таққослаш учун, июнь ойида енгил автомобиллар савдоси ҳажми 3% га ошган бўлса, июлдаги ўсиш суръатлари сезиларли тезлашганини кўрсатмоқда.

Бирламчи автомобиль бозори

Июль ойида янги енгил автомобиллар сегментида фаоллик сезиларли ошди. Енгил автомобиллар умумий савдоси июнь ойига нисбатан 38,2% га кўпайиб, 38,4 минг дона бўлди.

Маҳаллий ишлаб чиқарилган янги енгил автомобиллар етакчи позицияни сақлаб қолди ва 38,6% ўсиш билан 32,9 минг дона сотув ҳажмига эришди.

Хорижда ишлаб чиқарилган янги енгил автомобиллар савдоси ҳам ижобий динамикани кўрсатиб, 5,4 минг донани ташкил этди, бу июнь ойидаги кўрсаткичдан 35,8% га юқори.

автомобиль бозори, бирламчи бозор, электромобиллар, иккиламчи бозор, итим, июль, таҳлил, хорижий автомобиллар

Иккиламчи автомобиль бозори

Июль ойида енгил автомобиллар бозорининг иккиламчи сегменти фаолликнинг сезиларли ошишини кўрсатди. Савдо ҳажми 61,5 минг донани ташкил этди, бу июнь ойига нисбатан 18% га кўпдир.

Таққослаш учун, июнь ойида савдо ҳажми май ойига нисбатан 0,4% га кам бўлган. Шу боис, июль ойидаги кескин ўсиш ушбу сегментда умумий фаоллашувни акс эттиради.