2021 йил Microsoft, Amazon ва Alphabet сўнгги ўн йилликдаги рекорд даражада кўп битимларни амалга оширди. Бу ҳақда CNBC телеканали Dealogic маълумотларига таяниб хабар берди.

Dealogic ҳисоб-китобларига кўра, Google’нинг бош компанияси Alphabet 2021 йилда 22 та, Amazon 29 та, Microsoft эса 56 та битимни амалга оширган, бу сўнгги 10 йил ичидаги энг йирик натижадир.

Қайд этилишича, Alphabet ва Microsoft тузган битимларнинг умумий суммаси ҳам сўнгги 10 йилликдаги энг йиригидир — 22 ва 25,7 миллиард доллардан мос равишда. Amazon тузган битимларнинг умумий суммаси 15,7 миллиард долларга тенг бўлди.

Нашрга кўра, йирик технологик корпорацияларнинг 2021 йилги рекорд даражадаги харидлари монополияга қарши органлар билан қарама-қаршиликни кучайтириб юбормоқда.

Шу билан бирга, АҚШ Федерал Савдо Комиссиясининг (ФСК) янги раиси Лина Хан йирик технологик компанияларнинг агрессив монопол ҳаракатларига қарши сиёсатни таклиф қилади. У аллақачон Facebook устидан шикоят қилган. Лина Ханга кўра, ҳозирги Meta Instagram ва WhatsApp’ни сотиб олгач ижтимоий тармоқлар бозорини эгаллаб олди.

Монополияга қарши регулятор битимлар ёпилгандан кейин ҳам текширишни давом эттириш билан таҳдид қилмоқда, бу эса сотиб олишни бекор қилиш учун қонуний муҳит яратиши мумкин.

Аввалроқ Microsoft қарийб 70 миллиард долларга Actvision Blizzard’ни сотиб олиши хабар қилинганди.