Яшаш шароити бўйича энг яхши давлатлар рўйхати эълон қилинди
Numbeo глобал маълумотлар базаси мутахассислари турли мамлакатлардаги яшаш сифати бўйича 2023 йилги рейтингни эълон қилди. Марказий Осиёдан рейтингга киритилган ягона давлат Қозоғистон бўлди
![Яшаш шароити бўйича энг яхши давлатлар рўйхати эълон қилинди](https://kommers.uz/wp-content/uploads/2023/02/01-1.jpg)
Numbeo глобал маълумотлар базаси мутахассислари турли мамлакатлардаги яшаш сифати бўйича 2023 йилги рейтингни эълон қилди.
Рейтингни тузишда 84 мамлакатдаги аҳолининг харид қобилияти, хавфсизлик кўрсаткичлари, соғлиқни сақлаш даражаси, яшаш харажати, кўчмас мулк баҳоси, йўлга сарфланадиган ўртача вақт, ифлосланиш даражаси ва иқлим кабилар ўрганилди.
![](https://kommers.uz/wp-content/uploads/2023/02/88-2.jpg)
Рейтингнинг энг юқори ўринларидан Нидерландия, Дания ва Швейцария жой олди. Шунингдек, Люксембург, Финландия, Исландия, Австрия, Уммон, Австралия, Норвегия дастлабки 10 таликка киритилди.
Шунингдек, Беларусь 57, Украина 59, Россия 66-ўринни эгаллади. Марказий Осиёдан рейтингга киритилган ягона давлат — Қозоғистонга 74-ўрин насиб этди. Сўнгги поғонадан эса Нигерия жой олган.
1. Нидерландия (Яшаш сифати бўйича — 196,7)
![Интересно ли будет отдыхать пожилым людям в Амстердаме весной? \ Рассказы о Амстердаме](https://st.turtella.ru/photos/591/l118321.jpg)
Нидерландия ўзининг бағрикенглиги, демократияси ва барқарор иқтисодиёти билан ажралиб туради. Мамлакатда даромадли бизнес юритиш жуда осон, коррупция ва шаффоф солиқ тизими мавжуд эмас. Бундан ташқари, Нидерландияда тиббиёт юқори даражада, олий маълумот дипломи юқори баҳоланади.
2. Дания (194,7)
Данияда шаффоф ва барқарор сиёсий тизим, прогрессив солиқ тизими, бепул ва сифатли тиббиёт мавжуд. Бирлашган Миллатлар Ташкилотининг 2020 йил баҳорида эълон қилинган ҳисоботига кўра, у дунёдаги энг бахтли мамлакатларнинг топ-3 талигига киради.
Дания яшаш учун энг хавфсиз жой саналади, бизнес юритиш рейтингида Европа давлатлари орасида етакчи ўринни эгаллайди ва бу ерда коррупция деярли йўқ. Аммо аҳолининг иш ҳақи даражаси юқори бўлсада, яшаш нархининг ўзи дунёдаги энг қимматларидан биридир.
3. Швейцария (193,6)
![Швейцария отправит Киеву зимнюю одежду для населения - РИА Новости, 26.01.2023](https://cdnn21.img.ria.ru/images/148581/50/1485815015_0:300:5760:3540_1920x0_80_0_0_e13386257fc9729e64e643cd2906ec1b.jpg)
Швейцария дунё бўйича тиббиёт соҳаси энг ривожланган мамлакатлардан бири ҳисобланади. Фуқароларининг ўртача умр кўриш давомийлиги 83 ёшни ташкил қилади. Бу барқарор иқтисодиёт, молия-банк тизими, таълим даражаси ва мартаба истиқболи юқори давлатдир. Аммо бу ерда кўчмас мулк ва яшаш нархи дунёдаги энг қиммат.
4. Люксембург (192,9)
![Люксембург. Что посмотреть в Верхнем городе](https://ic.pics.livejournal.com/kolllak/14380162/2530237/2530237_original.jpg)
Люксембург — бу яшаш шароитлари жуда яхши бўлган шаҳар-давлат. Бу ерда тадбиркорликни ривожлантириш учун қулай шарт-шароитлар яратилган. Саноатнинг кўплаб тармоқларига хорижий капитални жалб қилиш имконияти мавжуд. Бундан ташқари, мамлакатда молия соҳаси, телекоммуникация корхоналари, маиший техника ишлаб чиқариш, чинни ва шиша ишлаб чиқариш, тўқимачилик, енгил, чарм-пойабзал, кимё саноати, машинасозлик кенг ривожланган. Аҳоли жон бошига ялпи ички маҳсулот ҳажми бўйича мамлакат дунёда иккинчи ўринда туради — 82 762 доллар.
5. Финляндия (190,5)
![Финляндия четвертый год подряд возглавила рейтинг самых счастливых стран — РБК](https://s0.rbk.ru/v6_top_pics/media/img/7/89/756161529083897.jpg)
БМТ ҳисоботига кўра, Финляндия энг бахтли давлат ҳисобланади. У Европанинг топ-10 та энг бой давлатлари қаторига киритилган, ижтимоий хавфсизлик, ҳуқуқий шаффофлик ва иқтисодий ривожланишнинг юқори даражасига эга. Бироқ Финляндияда бюрократия ва коррупция мавжуд. У яшаш учун жуда қиммат, лекин кўпинча постсовет мамлакатлари аҳолиси томонидан иккинчи уй сифатида танланади.
6. Исландия (187,5)
![Только для богатых: Исландия предложила специальные визы для работающих удаленно | Forbes.ru](https://cdn.forbes.ru/files/750x500/1-gettyimages-1074625996.jpg__1606132605__69418.jpg)
Исландия дунёдаги энг хавфсиз давлатдир. Юқори маош ва жуда кўп турли хил бўш иш ўринлари мавжуд ва ҳатто ташриф буюрувчилар учун ҳам мос ишни топиш қийин эмас. Исландия жамиятнинг ижтимоий модели билан ажралиб туради, унинг аҳолиси жуда меҳмондўст, ишсизлик даражаси паст.
7. Австрия (185,8)
![Австрия запретит въезд для непривитых и не переболевших коронавирусом — РБК](https://s0.rbk.ru/v6_top_pics/media/img/2/12/756398546664122.jpg)
Австрия bқтисодиётнинг хилма-хиллиги туфайли истиқболли иш ва бизнес имкониятларининг кенг доирасини таклиф этади. Тиббиёт ва хавфсизлик даражаси бўйича топ-5 мамлакат қаторидан жой олган. У сайёҳлик оқими даражаси бўйича этакчи ўринни эгаллайди: гўзал табиат ва кўплаб диққатга сазовор жойларга эга. Бундан ташқари, жаҳон миқёсидаги кўплаб сиёсий баҳсларда Австрия бетарафликка амал қилиши ҳам муҳимдир.
8. Уммон (184,7)
Уммон Яқин Шарқ мамлакатларидан бири бўлиб, у юқори турмуш даражаси, мамлакатдаги хавфсизлик ва ажойиб иқлими билан ажралиб туради. Нефтдан тушган маблағлар мамлакат тараққиётига йўналтирилади ва бунинг самараси йилдан йилга кўпроқ намоён бўлмоқда.
9. Австралия (183)
![В Австралии на корпусе танка Leopard появился лозунг "Слава России!" - РИА Новости, 03.02.2023](https://cdnn21.img.ria.ru/images/101265/35/1012653519_0:131:2500:1537_1920x0_80_0_0_a1ccb5c0a8f7ffabba0d073adcb437c8.jpg)
Австралия кучли иқтисодиёт, қулай иқлим ва тоза атроф-муҳитга эга мамлакатдир. Бу ерда коррупция деярли йўқ, суд тизими барқарор. Олий таълим даражаси дунёдаги энг юқори кўрсаткичлардан биридир ва солиқ тизими бошқа Европа мамлакатларига нисбатан анча паст даражада.
10. Норвегия (182,7)
![Норвегия - все о стране, отдыхе и путешествиях | Planet of Hotels](https://planetofhotels.com/guide/sites/default/files/styles/big_gallery_image/public/text_gallery/Norway-5.jpg)
Норвегия — дунёдаги энг бахтли учта давлатдан бири. У шаффоф қонунларга, ривожланган иқтисодиётга, дунёдаги энг юқори маошларга эга ва ишсизлик даражаси паст мамлакатдир. Бу ерда аҳолининг бадавлат қатламлари учун солиқлар анча юқори бўлиб, улар орқали таълим ва соғлиқни сақлаш тизимлари молиялаштирилади.
Ўзбекистон (123,72)
Эслатиб ўтамиз, Ўзбекистон 84 давлатни ўз ичига олган рейтингга киритилмаган. Мамлакатда ҳаёт сифати индекси ўртача деб баҳоланмоқда. Аҳолининг харид қобилияти ва йўлга сарфланадиган ўртача вақт ҳам паст даражада. Шунга қарамай, мамлакат хавфсиз ҳисобланади ва ажойиб иқлимга эга. Кўчмас мулк қиймати ва харажатлар нисбати юқори даражада. Соғлиқни сақлаш тизими ва экология эса ўртача даражада.
![Pavel Durov “Hamster Kombat” oʻyini boʻyicha yangilikni eʼlon qildi](https://kommers.uz/wp-content/uploads/2024/07/photo_2024-07-05_12-12-48.jpg)
![“Lukoil”ga nisbatan narx manipulyatsiyasi bo’yicha ish qo’zg’atildi](https://kommers.uz/wp-content/uploads/2024/07/photo_2024-07-04_18-09-26.jpg)
![«Чўнтагимда 500 доллар қолган эди» — Uber’да ишлайдиган ўзбекистонлик IT-мутахассис билан суҳбат](https://kommers.uz/wp-content/uploads/2022/09/img_0883_1661755796.png)
![Қайси банклар электромобиллар учун автокредитлар ажратмоқда? — рўйхат](https://kommers.uz/wp-content/uploads/2023/02/4.jpg)
![Коррупцияга қарши кураш сиёсатига зид гапирган Иноятов, қарийб 4 млрд сўмни ўзлаштирган банк ходимлари, Туркия банкларини огоҳлантирган АҚШ — кунлик дайжест](https://kommers.uz/wp-content/uploads/2023/02/7887.jpg)