Dunyo miqyosida sunʼiy intellektga asoslangan mahsulotlar va xizmatlarga nisbatan insonlarning munosabatlari o‘rganildi. Odamlarning 54 foizi “mamnun”, 52 foizi esa “norozi” – his-tuyg‘ular mamlakatlarda sezilarli darajada farq qiladi, deb tahliliy ma’lumotlarni e’lon qildi “Visual capitalist” nashri.

Nashr tomonidan e’lon qilingan grafikda 31 ta turli mamlakatlardagi odamlarning SIga nisbatan munosabati farqlari koʻrib chiqilgan.

Jumladan, Osiyo va Janubiy Amerikada yashovchi odamlar sun’iy intellektdan foydalanadigan mahsulot va xizmatlardan xursand ekanini ko‘rish mumkin. Ammo qayd etish kerakki, mazkur mamlakatlardan olingan namunalarning katta qismi umumiy aholiga qaraganda ko‘proq shaharda istiqomat qiladigan hamda ko‘proq ma’lumotli va aholining boyroq qatlami orasida o‘tkazilgan.

Tailanddagi odamlar mamnunlik darajasi bo‘yicha yetakchilik qilgan. Qizig‘i shundaki, ular SI yaqin kelajakda odamlarning yumushini yaxshilaydi va ayni qilayotgan ishining o‘rni SI bilan bog‘liq boshqa ish o‘rinlariga almashtiradi, deb o‘ylashadi.

Ro‘yxat 31 mamlakatda 75 yoshgacha bo‘lgan 22 816 nafar kattalar orasida qariyb bir yillik so‘rovnoma asosida shakllantirilgan. So‘rovnoma ro‘yxatdagi faqat Hindistondan tashqari barcha mamlakatlarda onlayn tarzda o‘tkazilgan. Braziliya, Chili, Kolumbiya, Hindiston, Indoneziya, Irlandiya, Malayziya, Meksika, Peru, Ruminiya, Singapur, Janubiy Afrika, Tailand va Turkiyadagi namunalarda umumiy aholidan ko‘ra ko‘proq shaharliklarning munosabatlari ifoda etilgan.