Буюк Британия АҚШдан газ импорт қилади
АҚШ 2023 йилда Буюк Британияга 10 млрд куб метр газ етказиб бериш бўйича шартнома имзолади
Буюк Британия 2023 йилдан АҚШдан суюлтирилган газ импортини амалга оширади.
Қайд этилишича, АҚШ 2023 йилда Буюк Британияга 10 млрд куб метр газ етказиб бериш бўйича шартнома имзолади.
«Буюк Британия ва АҚШ энергия хавфсизлиги ва ундан фойдаланиш бўйича янги ҳамкорлик доирасида Буюк Британия ва АҚШ Россия энергия экспортига глобал қарамликни камайтириш, энергия бозорларини барқарорлаштириш ва энергия самарадорлиги, қайта тикланадиган энергия ва атом энергетикаси бўйича ҳамкорликни фаоллаштиришда етакчилик қилади», – дейилади баёнотда.
Британия бош вазири Риши Сунакнинг сўзларига кўра, АҚШнинг ЛНГ етказиб бериш ҳажмининг ошиши Буюк Британияда газ нархини пасайтиришга ҳам ёрдам беради. Бундан ташқари, ушбу келишув доирасида мамлакатлар тоза энергия манбаларини яратишда ҳамкорлик қилишни режалаштирган.
Маълумот учун, Буюк Британия 2023 йил 1 январдан бошлаб Россиядан суюлтирилган газ импортини бутунлай тўхтатади ва бутун дунё мамлакатларига Россия газига қарамликни камайтиришда ёрдам беради.
