Ариза топширишнинг иккита йўли бор:

1. Давлат хизматлари маркази орқали

• Давлат хизматлари маркази шахсан борилади;
• Паспорт ёки ID карта билан мурожаат қилиб, оператор ёрдамида анкета тўлдирилади;
• Ариза расмий рўйхатга олинади ва кўриб чиқиш жараёни бошланади.

2. ЯИДХП орқали онлайн тарзда

• my.gov.uz  сайтига кириб, шахсий саҳифангизга киринг ёки рўйхатдан ўтинг;
• “Ипотека кредитига Давлат субсидиясини олишга ариза бериш” хизматини танланг;
• Ариза тўлдиринг;
• Аризангиз қабул қилингани ҳақида хабар оласиз ва кўриб чиқиш бошланади.

Аризалар 3 иш кунида кўриб чиқилади.

Субсидия ажратишда ижтимоий мезон ишлаб чиқилган. Бунда аризачилар бир нечта мезонлар бўйича балл тўплаши мумкин.

Ойлик маошга қараб ҳудудларда (Қорақалпоғистон ва вилоятлар) қуйидагича балл берилади:

• МҲТEКМнинг 2,7 баробаридан 7 баробаригача ёки 3 118 500 сўмдан 8 085 000 сўмгача — 10 балл;
• МҲТEКМнинг 7 баробаридан кўп ва 8 баробаригача ёки 8 085 000 сўмдан 9 240 000 сўмгача — 5 балл.

Тошкент шаҳрида эса қуйидагича:

• МҲТEКМнинг 2,7 баробаридан 8 баробаригача ёки 3 118 500 сўмдан 9 240 000 сўмгача — 10 балл;
• МҲТEКМнинг 8 баробаридан кўп ва 9,2 баробаригача ёки 9 240 000 сўмдан 10 626 000 сўмгача — 5 балл.

Бутун мамлакатда ариза берувчи ёки унинг оиласига тегишли мулк ёки турар-жой бўлмаслиги — 20 балл.

«Лабор-мигратион» дастурида рўйхатдан ўтган меҳнат мигранти — 10 балл.

Олис ёки чекка ҳудудларда меҳнат фаолиятини амалга оширувчи мутахассислар, тиббиёт ходимлари — 5 балл.

30 ёшгача бўлган ёшлар — 5 балл.

Оғир ижтимоий аҳволга тушиб қолган аёллар (ажрашган, бева ёки ёлғиз оналар) — 5 балл.

“Тиббий ижтимоий экспертиза” тизимидан рўйхатдан ўтганлар — 5 балл.