IT Park соврин жамғармаси 55 минг доллар бўлган танлов эълон қилди
Танлов давлат, ижтимоий ва бизнес соҳалари ҳамда коррупцияга қарши кураш йўналишларида дастур ишлаб чиқишдан иборат
Ўзбекистонда соврин жамғармаси 55 минг доллар бўлган «Open Data Challenge 2021» хакатонига рўйхатдан ўтиш бошланди. Бу ҳақда IT Park Uzbekistan матбуот хизмати хабар берди.
Маълум қилинишича, «Open Data Challenge 2021» — бу танлов бўлиб, унда иштирокчилар 2021 йил 3 декабрдан 5 декабргача очиқ маълумотлардан фойдаланган ҳолда онлайн форматда дастурлар ишлаб чиқиши керак бўлади. Хакатон 4 та йўналишда ўтказилади: давлат, ижтимоий ва бизнес соҳалари ҳамда коррупцияга қарши кураш
Таъкидланишича, иштирокчилардан тўрт йўналишдан бири бўйича «One Million Uzbek Coders» сертификатига ега бўлиши талаб этилади. Аризаларни топширишнинг охирги муддати 2021 йил 1 декабрь экани қайд этилган.
Шунингдек, аввалги «Open Data Challenge» хакатонларида ишлаб чиқилган лойиҳалар учун (2018 йилдан 2020 йилгача) соврин жамғармаси 6 минг долларни ташкил қилувчи «Open Data Cup» мусобақаси ташкил этилган.
Хабарда қуйидаги ҳаволалар орқали рўйхатдан ўтиш ва қимматбаҳо пул мукофотлари учун беллашиш имкониятига эга бўлиш мумкинлиги айтилган:
Хакатон ва танлов ҳақида батафсил ушбу ҳавола орқали билиб олиш мумкин.
Аввалроқ IT Park Жиззахда корпоратив акселераторни ишга туширгани хабар қилинганди. Шунингдек, Нукусда ёшлар учун стартап ғоялар танловига ариза қабул қилиш бошлангани ҳақида хабар берилди.
