Mercedes ёнғин хавфи туфайли 800 мингдан ортиқ автомобилини «чақириб олади»
Носозлик 2017 йилнинг январидан 2021 йилнинг октябригача ишлаб чиқарилган дизель моделларида аниқланган.
Mercedes автоконцерни бутун дунё бўйлаб 800 мингдан ортиқ автомобилни ёнғин хавфига олиб келиши мумкин бўлган носозлик туфайли «чақириб олади». Бу ҳақда Германиянинг Bild газетаси компания мижозларига йўллаган хатига таяниб хабар берди.
Қайд этилишича, «чақириб олиш» қарори 2017 йилнинг январидан 2021 йилнинг октябригача ишлаб чиқарилган дизель моделларини қамраб олади. Гап GLC, GLE, GLS моделлари, шунингдек, OM654 ёки OM656 двигателларига эга С, Е ва S, CLS синфлари ҳақида бормоқда.
Маълум бўлишича, носозлик совутиш суви насосида аниқланган. Коронавирус пандемияси даврида эҳтиёт қисмлар етишмаслиги сабабли «чақириб олинган» автомобиллар ҳали таъмирланмайди. Шу сабабли, Mercedes ҳайдовчиларга юқорида қайд этилган автомобиль моделларидан фойдаланишни минимал даражада чеклашни маслаҳат берган.
2021 йилнинг учинчи чорагида Германиянинг Daimler AG автомобиль ишлаб чиқарувчисининг (Mercedes-Benz бўлинмасини ўз ичига олади) фойдаси 18 фоизга ошиб, 2,6 миллиард еврони ташкил этди. Йил охирига келиб Mercedes автомобилларининг чипларини етказиб бериш билан боғлиқ муаммолар туфайли савдо ҳажмининг пасайишини кузатилди.
Аввалроқ Tesla носозликлар туфайли қарийб 500 мингта электромобилини «чақириб олиши» хабар қилинганди.
