Нукусда ёшлар учун стартап ғоялар танловига ариза қабул қилиш бошланди
Танлов ғолиблари қимматбаҳо совғалар ва сертификатлар топширилади
Нукус шаҳрида 12-13 ноябрь кунлари IT Park, ТАТУ Нукус филиали ва ЕХҲТнинг Ўзбекистондаги лойиҳалари координатори билан биргаликда ташкил этилаётган Нукус шаҳри ёшлари учун IDEATHON стартап ғоялари танлови бўлиб ўтади. Бу ҳақда IT Park хабар берди.
Маълум қилинишича, IDEATHON иштирокчилар муайян муаммони ҳал қилиш ва уни бир ёки икки кун ичида минимал ҳаётий маҳсулотга айлантиришлари керак бўлган танлов ҳисобланади.
Унда 16 ёш ва ундан катта бўлган барча қуйидаги йўналишларда қатнашиши мумкин:
- сунъий интеллект;
- тиббиёт;
- энергетика;
- қишлоқ ва сув хўжалиги;
- қурилиш;
- таълим;
- ижтимоий ҳимоя;
- аҳоли бандлиги.
Танлов ғолиблари қимматбаҳо совғалар, сертификатлар ва стартап ғояларини ишлаб чиқиш тажрибасига эга бўлади. Танловда иштирок этиш учун 9 ноябрга қадар махсус линк орқали рўйхатдан ўтиш керак.
Аввалроқ Ўзбекистонда 6 миллион долларга маданий мерос объектлари рақамли платформаси яратилиши маълум қилинганди.
