«Қора рўйхат»га тушганларга кредит берилмайдими? Марказий банк аниқлик киритди

19:00 | 24.5.22

Шавкат Мирзиёев нефть-газ соҳаси бўйича йиғилиш ўтказди

17:15 | 24.5.22

Ўзбекистонда долларнинг расмий курси 11 080 сўмдан пастга тушди, рубль яна ошди

16:07 | 24.5.22

Мол-мулк солиғи ва ер солиғидан имтиёзга эга бўлганлар ушбу солиқларнинг 1 фоизини тўлайди

14:43 | 24.5.22

Ўзбекистонда айрим суғурта ташкилотларининг лицензияси тўхтатилди

13:30 | 24.5.22

Фарғона вилояти давлат солиқ бошқармасига янги раҳбар тайинланди

12:38 | 24.5.22

Австрия Россиянинг 254 млн евролик активларини музлатиб қўйди

10:37 | 24.5.22

Balenciaga тўлов учун криптовалюталарни қабул қила бошлайди

9:15 | 24.5.22

Таҳлил. Гўшт етиштириш атроф-муҳитга қанча зарар етказади?

21:10 | 23.5.22

Ўзбекистоннинг ташқи бозордаги энг рақобатбардош мева-сабзавотлари — таҳлил

19:40 | 23.5.22

Levi’s Россия бозорини тарк этади

18:05 | 23.5.22

«2021 йил бренди» V мукофоти ғолиблари тақдирланди — рўйхат

18:00 | 23.5.22

Ўзбекистонда спорт мактаби мураббийларининг иш ҳақи 35 фоизга оширилади

17:12 | 23.5.22

Ўзбекистонда долларнинг расмий курси пастлади, рубль 190 сўмдан ошиб кетди

16:08 | 23.5.22

Польша Россия газидан муддатидан олдин воз кечди

15:09 | 23.5.22

Марказий банк аҳоли омонатларининг юқори фоиз ставкаларини маълум қилди

14:23 | 23.5.22

Тошкент вилоятида Туркманистон манатини долларга алмаштираётганлар қўлга олинди

12:05 | 23.5.22

UzAuto ва Турин политехника университети Ўзбекистонда энг йирик индустриал таълим тизимини яратади

12:00 | 23.5.22

Шавкат Мирзиёевнинг Кореяга ташрифи, 50 минг сўмликнинг дизайнидаги хатолик ва нархи пасайтирилган бензин — кунлик дайжест

Kommers.uz куннинг энг сара янгиликларини битта дайжестга тўплади.

Шавкат Мирзиёевнинг Кореяга ташрифи, 50 минг сўмликнинг дизайнидаги хатолик ва нархи пасайтирилган бензин — кунлик дайжест
Фото: Kommers.uz

Яқин соатларда 2021 йилнинг 17 декабрь санаси ҳам поёнига етади. Якунланаётган кун Ўзбекистон ва жаҳон ахборот майдонида қайноқ янгиликларга бой бўлди. Kommers.uz уларнинг энг сараларини битта дайжестга тўплади.

Шавкат Мирзиёевнинг Кореяга ташрифи

Корея Республикаси Президентининг Сеул шаҳридаги «Чонг Ва Дэ» қароргоҳида 17 декабрь куни Ўзбекистон Президентини расмий кутиб олиш маросими бўлиб ўтди.

Ўзбекистон ва Корея Эркин савдо тўғрисидаги битимни тузиш масаласида анча илгарилаган. Учрашувда ушбу ҳужжатнинг келгуси йилда имзоланиши туфайли товар айирбошлаш кўрсаткичларини ошириш ва мувозанатга келтириш имконияти пайдо бўлишига ишонч билдирилган.

Кореянинг Ўзбекистонга инвестициялари ҳажми 7 миллиард доллардан ошган. 2021 йилда 320 миллион доллар, яъни 2020 йилга нисбатан 20 фоиз кўп ўзлаштирилган. Бу маблағлар ҳисобига кимё, нефть-кимё, тўқимачилик, қурилиш, қишлоқ хўжалигида қўшма лойиҳалар амалга оширилмоқда.

Фото: Президент матбуот хизмати

Маълум қилинишича, Корея Эксимбанки ҳамда Иқтисодий тараққиёт ва ҳамкорлик фонди (EDCF) доирасидаги молиялаштириш ҳажми 1 миллиард долларга етказилди. 2023 йилга қадар Ўзбекистонда янги лойиҳаларни амалга оширишга салмоқли маблағ йўналтирилмоқда. Кореянинг халқаро ҳамкорлик агентлиги (KOICA) билан сермаҳсул шериклик ҳам кенгаймоқда.

Ўзбекистон Президенти яқин даврга мўлжалланган ҳамкорликда учта асосий йўналиш: «яшил» тараққиёт, рақамлаштириш ва ижтимоий ҳимоя тизимини мустаҳкамлаш масалалари кун тартибида турганини таъкидлаган. Истиқболдаги барча қўшма лойиҳалар, дастур ва ҳаракатлар режаларини шу асосий устуворликлардан келиб чиққан ҳолда ишлаб чиқиш таклиф этилган.

Фото: Президент матбуот хизмати

Шунингдек, Шавкат Мирзиёев Иқтисодий тараққиётга кўмаклашиш фондини (EDPF) жалб қилган ҳолда Тошкент вилоятида яримўтказгич ва электроника ишлаб чиқариш бўйича Ўзбекистон-Корея кластерини ташкил этиш таклифини билдирган. Унинг ҳудудида фан-таълим муассасалари, илғор технологиялар соҳасидаги тадқиқот ва ишланмалар марказларини жойлаштириш мумкин бўлади.

Музокаралар чоғида пандемиядан кейинги даврда туризм соҳаси иқтисодий ўсиш локомотивларидан бўлиши мумкинлиги таъкидланган. Ўзбекистон Корея компанияларининг меҳмонхоналар ва инфратузилма объектлари қурилиши билан боғлиқ лойиҳалардаги иштирокини қўллаб-қувватлашга тайёрлиги маълум қилинган.

50 минг сўмликнинг дизайнидаги хатолик

Ўзбекистонда 22 декабрдан бошлаб янги кўринишдаги номинал қиймати 50 минг ва 100 минг сўм бўлган банкнот шаклида пул белгиларини муомалага чиқарилиши маълум қилинганди. Марказий банк янги намунадаги 50 минг сўмлик банкнот дизайнида техник хатолик аниқлангани ҳақида хабар берди.

Қайд этилишича, 50 минг сўмлик банкнот намунасининг олд томонида «Ал-Ҳаким ат-Термизий» мақбараси тасвири туширилгани, аммо мақбара номи «Абу Исо ат-Термизий» деб ёзилгани билдирилган.

Фото: Марказий банк

Мутахассислар билан қайта ўрганиш натижасида ҳақиқатан ҳам намунадаги тасвир ва унинг номланишида техник хатолик мавжудлиги маълум бўлган.

Шу сабабли Марказий банк янги дизайндаги 50 000 сўмлик банкнотлар муомалага чиқарилишидан олдин унинг намунасида аниқланган техник хатолик бартараф этилишини ҳамда мақбаранинг номи тўғри қайд этилишини таъкидлаган.

«Ўзбекнефтгаз» АЖга тегишли АЁҚШларда бензин нархи 6500 сўм қилиб белгиланди.

Маълум қилинишича, «Ўзбекнефтгаз» АЖ бошқаруви раисининг топшириғига асосан, «Ишчи гуруҳ»лари тузилиб, нефть маҳсулотларининг истеъмолчиларга етказиб берилиши тўлиқ назоратга олинган.

Хабарга кўра, «Ўзбекнефтгаз» АЖга қарашли АЁҚШларда 17 декабрь кунидан бошлаб Аи-80 маркадаги бензин 6890 сўмдан арзонлаштирилиб, ҳар бир литри учун 6500 сўм нархда сотувга чиқарилди.

Жамият республика ҳудудидаги «Ўзбекнефтгаз»нинг барча АЁҚШларда бензин шу белгиланган нархда сотилиши таъминланишини маълум қилган.

Янги функцияга эга бўлган WhatsApp

WhatsApp мессенжери янги функцияни тақдим этди. Унинг ёрдамида фойдаланувчилар ёзиб олинган овозли хабарларни юборишдан олдин тинглаши мумкин бўлади. Янги функция, аллақачон, iOS ва Android’да мавжуд.

Энди овозли хабар ёзиб олингач уни эшитиб кўриш, сўнгра юбориш ёки ўчириб ташлаш мумкин. WhatsApp мессенжеридаги ушбу янги функция ҳали Meta’нинг бошқа иловаларида мавжуд эмас.

Бунга қадар WhatsApp аудио хабарларни ижро этиш тезлигини бошқариш функциясини ишлаб чиқишни бошлаган эди. Бундан ташқари, илова овозли хабарларни матн форматига таржима қилиш имкониятини ҳам тақдим этмоқчи.

Тадбиркорлар ва валюта айирбошлаш хизмати

Ўзбекистонда хусусий тадбиркорларга валюта айирбошлаш хизматларини кўрсатишга рухсат берилиши мумкин. Бу ҳақда Президентнинг «Рақобат муҳитига салбий таъсир кўрсатадиган тўсиқларни бартараф этиш ва тадбиркорлик фаолияти йўналишларини янада кенгайтириш чора-тадбирлари тўғрисида»ги қарори лойиҳасида сўз боради.

Қайд этилишича, хорижий давлатлар тажрибасидан келиб чиқиб, норасмий валюта операциялари вужудга келишини олдини олиш, шунингдек, хизматларни узлуксиз равишда (24/7 режимда) кўрсатиш имконини яратиш мақсадида хусусий тадбиркорларга валюта айирбошлаш хизматларини кўрсатишга рухсат бериш режалаштирилмоқда.

Шунингдек, молиявий хизматлар кўрсатиш билан шуғулланувчи тадбиркорлик субъектларига кредит уюшмаси хизматлар бозорига кириш имкониятлари яратилиши ҳам мумкин.

Қолаверса, лойиҳада экспорт қилинаётган товарларга сертификат бериш функциясини хусусий сектор субъектлари томонидан ҳам амалга оширилишига рухсат бериш назарда тутилган.

Россияда кутилаётган рекорд даражадаги инфляция

Декабрь ойида россияликларнинг кейинги 12 ойлик инфляцион кутилмаси 2016 йил февраль ойининг максимал кўрсаткичини янгилади ва 14,8 фоизни ташкил қилди. Ноябрь ойига нисбатан ўсиш 1,3 фоиз даражага етди.

Маълум бўлишича, ноябрь ойида инфляцион кутилмалар бироз паст бўлган — 13,6 фоиздан 13,5 фоизгача. Шу билан бирга, кузатилган инфляцияни баҳолаш декабрь ойида 1,5 фоиз пунктга ошиб, 17,7 фоизни ташкил этган.

«Росстат»нинг маълум қилишича, 15 декабрь ҳолатига кўра, йил бошидан бери Россияда нархлар 7,64 фоизга ошган. Йиллик инфляция эса бир ҳафта олдинги 8,28 фоиздан 8,11 фоизгача секинлашган.

Россия Президенти матбуот котиби Дмитрий Песков юқори инфляция ташвишли мавзу эканини таъкидлаган.

«Бу жуда қийин, йирик, доимий ишни талаб қилувчи мураккаб жараён. Вазирлар Маҳкамаси бу билан шуғулланмоқда», — дейди у.

Ўзбекистонда энг кўп ишлаб чиқарилаётган автомобиллар

Ўзбекистонда 11 ойда энг кўп Cobalt автомобили ишлаб чиқарилган.

Маълумотларга кўра, автомобиль ишлаб чиқариш саноатида 2021 йилнинг январь-ноябрь ойларида ишлаб чиқарилган автомобиллар қуйидагича:

  1. Cobalt — 61 минг 073 дона;
  2. Lacetti-Gentra — 41 минг 592 дона;
  3. Nexia T-250 — 25 минг 833 дона;
  4. Damas — 48 минг 432 дона;
  5. Labo — 13 минг 413 дона;
  6. Spark — 8580 дона.

Олдиндаги кун омадли келсин. Kommers.uz энг қайноқ янгиликларни ишончли тарзда етказишда давом этади.

Бизнесга оид янгиликлар телеграм каналимизда @kommersuz

tg
«Қора рўйхат»га тушганларга кредит берилмайдими? Марказий банк аниқлик киритди
Бизнес, Молия 19:00 | 24.5.22
«Қора рўйхат»га тушганларга кредит берилмайдими? Марказий банк аниқлик киритди
Шавкат Мирзиёев нефть-газ соҳаси бўйича йиғилиш ўтказди
Иқтисодиёт 17:15 | 24.5.22
Шавкат Мирзиёев нефть-газ соҳаси бўйича йиғилиш ўтказди
Ўзбекистонда долларнинг расмий курси 11 080 сўмдан пастга тушди, рубль яна ошди
Молия 16:07 | 24.5.22
Ўзбекистонда долларнинг расмий курси 11 080 сўмдан пастга тушди, рубль яна ошди
Мол-мулк солиғи ва ер солиғидан имтиёзга эга бўлганлар ушбу солиқларнинг 1 фоизини тўлайди
Бизнес, Молия 14:43 | 24.5.22
Мол-мулк солиғи ва ер солиғидан имтиёзга эга бўлганлар ушбу солиқларнинг 1 фоизини тўлайди
Ўзбекистонда айрим суғурта ташкилотларининг лицензияси тўхтатилди
Бизнес, Молия 13:30 | 24.5.22
Ўзбекистонда айрим суғурта ташкилотларининг лицензияси тўхтатилди
Фарғона вилояти давлат солиқ бошқармасига янги раҳбар тайинланди
Молия 12:38 | 24.5.22
Фарғона вилояти давлат солиқ бошқармасига янги раҳбар тайинланди