Ўзбекистонда туманлар аниқ маҳсулот турини етиштиришга ихтисослаштирилади. Бу ҳақда 2022–2026 йилларга мўлжалланган тараққиёт стратегиясини 2022 йилда амалга ошириш бўйича «йўл харитаси» лойиҳасида сўз боради.

Лойиҳага кўра, боғдорчиликка 46 та, узумчиликка 48 та, сабзавот-полизчиликка 51 та, картошкачиликка 40 та туман ихтисослаштирилади.

Ушбу туманларда плантация усулида 25 минг гектар мевали боғ, 50 минг гектар узумзор, 49 минг гектар сабзавот, 24 минг гектарга полиз, 20 минг гектарга картошка экилиши таъминланади.

Қишлоқ хўжалиги вазирлиги ушбу чора-тадбирларнинг бажаралишига масъул ижрочи сифатида қайд этилган. Бош вазир ўринбосари Шуҳрат Ғаниев жараённи назорат қилади.

Аввалроқ Ўзбекистонда 2022 йил балиқчилик лойиҳаларига 20 миллион евро йўналтирилиши хабар қилинганди.