Namangandagi mahallada 5 000 nafardan ortiq aholi ilk bor ichimlik suv bilan ta’minlandi
Suv resurslari, ichimlik suv ta’minoti va sanitariya bo‘yicha sohaviy ishchi guruhining yig‘ilishi o’tkazildi.
Davlat rahbarining tegishli topshirig’i bilan vazirlik va idoralar hamda respublika sohalarini takomillashtirishga hissa qo‘shayotgan donor tashkilotlar ishtirokida mamlakat platformasi tashkil etilgan bo’lib, mazkur faoliyat doirasida “Suv resurslar, ichimlik suv ta’minoti va sanitariya bo‘yicha sohasini rivojlantirish” bo‘yicha guruh tashkil etilgan.
Shveysariyaning taraqqiyot va hamkorlik agentligi mazkur ishchi guruhning yetakchi donor tashkiloti sifatida belgilangan. Shuningdek, Osiyo taraqqiyot banki, Amerikaning xalqaro rivojlanish agentligi, Osiyo infrastruktura investitsiya banki, Yevropa ittifoqi delegatsiyasi, Germaniya xalqaro hamkorlik koorparatsiyasi, BMT rivojlanish dasturi, Jahon banki, BMT qoshidagi bollarga favqulotda yordam xalqaro jamg‘armasi, Jahon sog‘liqni saqlash tashkiloti, Koreys xalqaro hamkorlik agentligi donor tashkilotlar sifatida ro’yxatdan o’tgan.
Ishchi guruhning asosiy raislari sifatida Suv xo‘jaligi vazirligi, “O‘zsuvta’minot” AJ hamda Qurilish va uy-joy kommunal xo‘jaligi vazirligi belgilangan.
Tadbirni vazir o’rinbosari Ozoda Jo’rayeva mamlakatimizda suv munosabatlarini tartibga solish yuzasidan amalga oshirilgan ishlarga bag’ishlangan nutqi bilan ochib berdi.
Suvning har qanday ko‘rinishi, u xoh sug‘orish suvi bo‘lsin, xoh ichimlik suvi aholining turmush darajasini belgilovchi asosiy omil hisoblanadi.
Davlat rahbari tomonidan ilgari surilgan “Inson qadri uchun” g‘oyasi asosida aholini sifatli ichimlik suvi bilan ta’minlash va ularga oqova suvlarni chiqarib yuborish xizmatlarini ko‘rsatishni kengaytirish borasida ulkan islohotlar amalga oshirilmoqda.
So‘nggi 7 yilda sohaga 1 milliard dollardan ziyod budjet mablag‘lari ajratilib, aholining markazlashgan ichimlik suvi bilan ta’minlanlash darajasi 63,9 foizdan 77,3 foizgacha yetkazildi.
Yangi O‘zbekiston Taraqqiyot strategiyasiga asosan 2030-yilgacha aholining 90 foizini markazlashgan ichimlik suvi bilan ta’minlash belgilangan.
Ushbu ko‘rsatkichlarga erishish uchun Qurilish va uy-joy kommunal xo‘jaligi vazirligi tomonidan “Ichimlik suvi ta’minoti va oqova suvlarni chiqarib yuborish to‘g‘risida” Qonuniga asosan sohada yagona siyosat yuritilmoqda.
Xususan sohani takomillashtirishga qaratilgan 10 ta normativ-huquqiy hujjat loyihasi ishlab chiqilib, qabul qilinishiga erishildi shu bilan birga 4 ta dasturlar ishlab chiqilib, tasdiqlandi.
Shuningdek, vazirligimiz tomonidan bugungi kunda Davlat ijtimoiy buyurtmasini berish orqali olis hududlardagi aholini ichimlik suvi bilan ta’minlash bo‘yicha bir qancha ishlar amalga oshirilmoqda.
Davlat ijtimoiy buyurtmasi loyihalari asosida Andijon, Namangan va Farg‘ona viloyatlaridagi olis hududlardagi 6 ta mahallalarda amalga oshirilgan qurilish ishlari natijasida 3 727 ta xonadonda istiqomat qiluvchi 20 056 nafar aholi ilk bor ichimlik suv bilan ta’minlandi,- deyiladi Ozoda Jo’rayeva nurtqida.
Tadbirda ta’kidlanganidek, mamlakatimizda suv ta’minoti tizimi samaradorligini ta’minlash maqsadida Shveysariyaning taraqqiyot va rivojlanish agentligi bilan hamkorlikda davlat ijtimoiy buyurtmalarini amalga oshirish yangi bosqichga olib chiqildi.
Xususan, mutaxassislar tomonidan avvalgi amalga oshirilgan loyihalar holati tahlil qilinib, kuchsiz tomonlar va imkoniyatlar aniqlandi hamda salohiyatni oshirish bo‘yicha maxsus dastur ishlab chiqildi.
Bundan tashqari, Yaponiyaning Ji Ti I kompaniyasi tomonidan 2 mln dollarga yaqin grant mablag‘lari ajratilib, respublikamizning olis hududlaridagi 6 ta mahallarda 20 ming aholini ichimlik suvi bilan ta’minlash uchun zaruriy tizimlar ishlab chiqilmoqda.
Shuningdek, Namangan viloyati Konsonsoy tumanidagi “Soycha” mahallasidagi 5 000 nafardan ortiq aholimiz ilk bor ichimlik suv bilan ta’minlandi.